স্পৰ্টছ ডেস্ক, ১০মে': বিশাখাপট্টনমত আজি আই পি এলৰ ফাইনেলত স্থান সুনিশ্চিত কৰাৰ উদ্দেশ্যে সন্ধিয়া ৭.৩০ বজাত ধোনী নেতৃত্বাধীন ডিফেণ্ডিং চেম্পিয়ন চেন্নাই চুপাৰ কিংছৰ বিৰুদ্ধে মুখামুখি হ'ব প্ৰশিক্ষক ৰূপে থকা ৰিকি পণ্টিঙৰ তত্বাৱধানত দ্বাদশ সংস্কৰণত নতুন নামেৰে ভুমুকি মৰা দিল্লী কেপিটেলছ । দুয়োটা দলে ইতিমধ্যে আই পি এলৰ ইতিহাসত ১৯ বাৰৰ বাবে প্ৰতিদ্বন্দিতাত অৱতীৰ্ণ হৈছে ।
য'ত চেন্নাই চুপাৰ কিংছে ১৩ বাৰৰ বাবে জয় লাভ কৰাৰ বিপৰীতে ৬ খন মেচত হে জয়ৰ সোৱাদ লাভ কৰিছে দিল্লী কেপিটেলছে । চেন্নাই চুপাৰ কিংছ দলটোত মুখ্য খেলুৱৈ হিচাপে আছে ফেপ ডুপ্লেছিছ, শ্বেন ৱাটছন, সুৰেশ ৰাইনা, ধোনী, হৰভজন সিং, ইমৰান তাহিৰ । আনহাতে দিল্লী দলটোৰ মুখ্য খেলুৱৈত আছে পৃথ্বী শ্ব', শিখৰ ধাৱন, শ্ৰেয়াছ আয়াৰ, ঋষভ পন্ত, ট্ৰেণ্ট বল্ট । গতিকে আজিৰ মেচখন দুয়োটা দলৰ বাবে হ'ব অগ্নিপৰীক্ষা ।
