স্পৰ্টছ ডেস্ক, 18 জুনঃ পাকিস্তানে ক্ৰিকেট বৰ্ডে অপৰাধ বিৰোধী নীতি-নিৰ্দেশনা আৰু মেচ ফিক্সিং আইনৰ সংশোধনৰ ব্যৱস্থা গ্ৰহণ কৰিছে ৷ এই ক্ষেত্ৰত পাকিস্তানৰ প্ৰধানমন্ত্ৰী তথা দেশখনৰ ক্ৰিকেট বৰ্ডৰ পেট্ৰন ইন-চীফ ইমৰাণ খানে বৰ্ডলৈ আগবঢ়াইছে সমৰ্থন ৷
পাকিস্তানৰ ক্ৰিকেট বৰ্ডৰ এক সূত্ৰ মতে, পিচিবিৰ অধ্যক্ষ এহছান মানিয়ে ইমৰাণ খানক সাক্ষাৎ কৰাৰ পাচতে এই সংশোধনৰ ব্যৱস্থা গ্ৰহণ কৰা হৈছে ৷ ইয়াৰোপৰি, COVID-19 মহামাৰীৰ মাজতে ইংলেণ্ড ভ্ৰমণৰ বাবেও পাকিস্তান দলক অনুমতি প্ৰদান কৰিছে প্ৰধানমন্ত্ৰী খানে ৷
সূত্ৰই কয়, "নতুন আইনৰ খচৰাখনক ইমৰাণে খানে সমৰ্থন জনাইছে আৰু সংশ্লিষ্ট মন্ত্ৰণালয়ৰ সহযোগত প্ৰস্তুত কৰি সংসদত উত্থাপন কৰাৰ লগতে নতুন আইন হিচাপে প্ৰণয়ন কৰিব লাগে ৷"
এই নতুন আইন অনুসৰি, মেচ ফিক্সিং আৰু স্পট ফিক্সিঙক অপৰাধৰ অন্তৰ্ভূক্ত কৰাৰ লগতে অপৰাধীক প্ৰদান কৰিব লগা শাস্তিৰ ম্যাদ সম্পৰ্কত ব্যৱস্থা গ্ৰহণ কৰিব ৷
বিশেষজ্ঞসকলে জানিবলৈ দিয়ে যে, বিশেষ শাস্তিৰ কথা উল্লেখ নথকাৰ বাবে অপৰাধীসকলে এনে ধৰণৰ অপৰাধ কৰিবলৈ সুযোগ লাভ কৰি আহিছে ৷ শেহতীয়াকৈ টেষ্ট বেটছমেন ওমৰ আকমলক মেচ ফিক্সিঙৰ বাবে তিনিবছৰলৈ প্ৰতিবন্ধকতা আৰোপ কৰাৰ পাচতে তেওঁ ইয়াৰ বিৰুদ্ধে স্বতন্ত্ৰ অধিবক্তাৰ কাষ চাপিছে ৷
আৰু পঢ়ক : ত্ৰিপুৰাৰ 19 বছৰ অনুৰ্ধ্ব মহিলা ক্ৰিকেটাৰৰ মৃতদেহ উদ্ধাৰ বাসগৃহত
