স্পৰ্টছ ডেস্ক, 16 মাৰ্চ: 2012 চনৰ আজিৰ দিনটোতেই আন্তঃৰাষ্ট্ৰীয় ক্ৰিকেটত ইতিহাস ৰচিছিল শচীন তেণ্ডুলকাৰে ৷ বাংলাদেশৰ বিৰুদ্ধে আজিৰ দিনটোতেই আন্তঃৰাষ্ট্ৰীয় ক্ৰিকেটত কেৰিয়াৰৰ 100 সংখ্যক শতক অৰ্জন কৰিছিল শচীন তেণ্ডুলকাৰে ৷ এছিয়া কাপত বাংলাদেশৰ শ্বেৰ-এ বংগাল ষ্টেডিয়ামত এই কৃৰ্তিত্ব অৰ্জন কৰিবলৈ সক্ষম হৈছিল তেণ্ডুলকাৰে ৷ যিটো আন্তঃৰাষ্ট্ৰীয় ক্ৰিকেটত এক অভিলেখ ৷ শচীনে মেচখনত 147 টা বলত 114 ৰানৰ ইনিংছ খেলিবলৈ সক্ষম হৈছিল ৷ বিশ্ব ক্ৰিকেটত 100 টা শতক সম্পূৰ্ণ কৰা একমাত্ৰ খেলুৱৈ হৈছে শচীন তেণ্ডুলকাৰ ৷ অৱশ্যে এইখন মেচত বাংলাদেশৰ হাতত পৰাজয়বৰণ কৰিবলগীয়া হৈছিল ভাৰত ৷
প্ৰাক্তন খেলুৱৈ শচীনৰ নামত এদিনীয়া ক্ৰিকেটত 49 টা শতক থকাৰ বিপৰীতে টেষ্ট ক্ৰিকেটত শচীনৰ নামত আছে 51 টা শতক ৷ মাষ্টাৰ ব্লাষ্টাৰ নামে খ্যাত শচীন তেণ্ডুলকাৰৰ নামত আন্তঃৰাষ্ট্ৰীয় ক্ৰিকেটৰ টেষ্ট কেৰিয়াৰত 15,921 ৰান, এদিনীয়াত 18,426 ৰান আৰু একমাত্ৰ আন্তঃৰাষ্ট্ৰীয় টি-20ত আছে 10 ৰান ৷
সৰ্বাধিক আন্তঃৰাষ্ট্ৰীয় শতক অৰ্জন কৰা খেলুৱৈ সকল হৈছে- শচীন তেণ্ডুলকাৰ (100), ৰিকী পণ্টিং (71), বিৰাট কোহলি (70), কুমাৰ ছাংগাকাৰা (63), জেক কেলিছ (62) ৷
লগতে চাওক- কৰ’ণা ভাইৰাছ : হোটেলক স্থাস্পতাললৈ পৰিৱৰ্তন ৰ’নাল্ডোৰ
