স্পৰ্টছ ডেস্ক, ৫ মে': শেহতীয়াকৈ আকাশ চোপ্ৰাৰ সৈতে হোৱা এক ভিডিঅ' কনফাৰেঞ্চিঙত প্ৰাক্তন ক্ৰিকেটাৰ আশীষ নেহৰাই নিজৰ কেৰিয়াৰৰ কেতবোৰ আমোদজনক কথা উল্লেখ কৰে । পদাৰ্পণ টেষ্টত জোতাকৈ লৈ সৃষ্টি হোৱাৰ সমস্যাৰ কথাও উল্লেখ কৰে খেলুৱৈগৰাকীয়ে ।
এই বাৰ্তালাপৰ মাজতেই নেহৰাই কয়, ১৯৯৯ চনত শ্ৰীলংকাৰ বিৰুদ্ধে কলোম্বত প্ৰথমবাৰৰ বাবে টেষ্ট ক্ৰিকেটত অভিষেক ঘটিছিল তেওঁৰ । সেই সময়ত তেওঁৰ তাত আছিল কেৱল এযোৰহে জোতা । যিটো ৰঞ্জী ট্ৰফীতো পিন্ধি খেলিছিল বুলি উল্লেখ কৰে নেহৰাই । ইয়াৰ পাচতে তেওঁ কয়, আজিও তেওঁৰ মনত আছে কেনেকৈ প্ৰত্যেকখন মেচৰ পাচতেই জোতাযোৰ পুনৰ চিলাই লৈছিল তেওঁ ।
আকাশ চোপ্ৰা আৰু নেহৰা দুয়ো দিল্লীৰে খেলুৱৈ আছিল আৰু দুয়োয়ে ভাৰতীয় ক্ৰিকেটকো প্ৰতিনিধিত্ব কৰিবলৈ সৌভাগ্য লাভ কৰিছিল ।
নেহৰাই ভাৰতৰ হৈ ১৭ খন টেষ্ট মেচত অৱতীৰ্ণ হৈছে । য'ত তেওঁৰ নামত আছে ৪৪ টা উইকেট । আনহাতে ১২০ খন এদিনীয়াত নেহৰাই ১৫৭ টা আৰু ২৭ খন টি-২০ ত ৩৪ টা আন্তঃৰাষ্ট্ৰীয় উইকেট লাভ কৰিবলৈ সক্ষম হৈছে ।
