কোকৰাঝাৰ, ১৮ মাৰ্চ: কোকৰাঝাৰ ৰেড হৰ্ণছ ডিভিজনৰ সেনা ৰূপে কৰ্মৰত ৰবিন্দৰ সিঙে ছাৰ্বিয়াৰ বেলগ্ৰেডত ১৫ ৰ পৰা ১৭ মাৰ্চলৈ অনুষ্ঠিত হোৱা ছাৰ্বিয়ান অ'পেন কিকবক্সিং কাপত ব্ৰঞ্জ পদক দখল কৰিবলৈ সক্ষম হৈছে । ২৭ বছৰীয়া ৰবিন্দৰ সিঙে ৮১ কিলাগ্ৰাম ওজন শাখাত ছাৰ্বিয়াৰ প্ৰতিদ্বন্দী স্মিলিক জ'ভানৰ হাতত ৩-৫ ৰ ব্যৱধানত ছেমি ফাইনেলত পৰাস্ত হৈ ব্ৰঞ্জ পদক দখল কৰে ।
উল্লেখ্য যে, ৭ বছৰ ধৰি ৰবিন্দৰ সিঙে সেনাবাহিনীত অৱদান আগবঢ়াই অহাৰ লগতে ভাৰতীয় সেনা বক্সিং দলত বাছনি লাভ কৰিছিল । ইয়াৰ পূৰ্বেও তেওঁ ৱাকো ইণ্ডিয়া কিকবক্সিং চেম্পিয়নশ্বিপ ২০১৮ ত ৰূপৰ পদক দখল কৰিবলৈ সক্ষম হৈছিল ।
