চিটাৰা ডেস্ক,9 জুলাইঃ অভিনেত্ৰী পৰিধি শৰ্মাই তেওঁৰ ধাৰাবাহিক 'জগ জননী মা বৈষ্ণু দেৱী-কাহানী মাতা ৰাণী কি'ৰ বাবে পুনৰ শ্বুটিং আৰম্ভ কৰিছে ৷
শ্বুটিঙৰ সময়ছোৱাত অধিক সাৱধানতা অৱলম্বন কৰিছে অভিনেত্ৰী গৰাকীয়ে ৷ লক্ ডাউনৰ পিছত এতিয়া তেওঁ সদায় শ্বুটিং চেটলৈ নিজৰ আহাৰ ঘৰতে বনাই লৈ যায় ৷ কেৱল সেয়াই নহয় শ্বুটিঙৰ বাবে নিজৰ মেকআপো নিজেই কৰিছে টেলিভিছন তাৰকাগৰাকীয়ে ৷
তেওঁ জনাই যে, " সকলোৰে দৰে মইও শ্বুটিঙলৈ পুনৰ উভতাৰ ক্ষেত্ৰত সৰ্তক আছিলো ৷ এই কথাৰ পৰা যথেষ্ট সকাহ পাইছো আমাৰ শ্বুটিঙৰ ঠাইখিনি গ্ৰীণ জ'নৰ অন্তৰ্গত ৷ ক্ৰু সদস্য খিনিও গ্ৰীণ জ'নৰ পৰাই আহি আছে ৷"
লগতে কয়," নিজৰ আহাৰ মই নিজেই লৈ আহো, চেনিটাইজাৰৰ ব্যৱহাৰ, সামাজিক দূৰত্ব পালন কৰিছো ৷ মেকআপ শিল্পীয়ে পি.পি.ই কিট পিন্ধিব লগা হয়, কোনোধৰণৰ বিপদৰ পৰা বাচিবৰ বাবেই মই নিজৰ মেকআপ নিজেই কৰি আছো ৷"
জনাই থওঁ যে, ষ্টাৰ ভাৰতত অভিনেত্ৰী গৰাকীৰ ধাৰাবাহিকখনৰ নতুন খণ্ড আৰম্ভ হ'ব 13জুলাইৰ পৰা ৷
লগতে পঢ়কঃচণ্ডীগড়ত পুনৰ শ্বুটিং আৰম্ভ কৰিলে আয়ুষ্মান খুৰাণাই
