চিটাৰা ডেস্ক, ২৩ অক্টোবৰ: আজি মোহময়ী অভিনেত্ৰী মালাইকা আৰোৰাৰ জন্মদিন। ৪৭ বছৰত ভৰি দিয়া মোহময়ী অভিনেত্ৰী গৰাকীক মৰম আৰু শুভকামনা যাচিছে অনুৰাগীয়ে। ইনষ্টাগ্ৰাম প’ষ্টযোগে মালাইকাক শুভেচ্ছা জনালে প্ৰেমিক অৰ্জুন কাপুৰে। গুলপীয়া ৰঙৰ পোছাক পৰিহিত মালাইকাৰ ফটো শ্বেয়াৰ কৰাৰ লগতে অৰ্জুনে ফটোৰ কেপচন দিলে 'হেপ্পী বাৰ্থডে ফুল'। অৰ্জুনৰ মৰমৰ প্ৰতি সঁহাৰি জনাই মালাইকায়ো প’ষ্টটোত বহুতো লাভ ৰিয়েক্ট দিয়ে।
দুয়োগৰাকীৰ মাজৰ সম্পৰ্কক বহু বছৰ ধৰি গোপনে ৰখাৰ পিছত এতিয়া কিছু পৰিমাণে মুকলিভাৱে পৰস্পৰক মৰম দিছে। ডিনাৰ ডেটৰ পৰা আৰম্ভ কৰি পাৰ্টী, ফিল্ম স্ক্ৰীণিঙলৈকে দুয়োকে একেলগে দেখা গৈছে। COVID-19ৰ পৰীক্ষাৰ পূৰ্বেও দুয়োৱে একেলগে উঠা ফটো শ্বেয়াৰ কৰিছে। যোৱা ৭ ছেপ্টেম্বৰত মালাইকাই কৰ'ণা আক্ৰান্ত হোৱাৰ কথা স্পষ্ট কৰিছিল। ইনষ্টাগ্ৰাম প’ষ্টযোগে সকলো খবৰ অনুৰাগীৰে শ্বেয়াৰ কৰে অভিনেত্ৰীগৰাকীয়ে। কিছুদিন পূৰ্বে পুনৰ COVID-19ৰ পৰীক্ষাৰ ফলাফল নিগেটিভ অহাত ছবিৰ দৃশ্যগ্ৰহণৰ কামত ব্যস্ত হৈ পৰিছে মালাইকা আৰোৰা।
লগতে পঢ়ক:বাহুবলী প্ৰভাষলৈ জন্মদিনৰ অলেখ শুভকামনা
