নিউজ ডেক্স,9 জুনঃ কাইলৈ অৰ্থাৎ 10 জুন তাৰিখে মুক্তি পাব "আৰটিকেল 15"ৰ প্ৰথমটো গীত ৷ মুক্তি পাব আয়ুষ্মান খুৰাণা অভিনীত ছবি "আৰটিকেল 15" ৰ প্ৰথমটো গীত "চুৰু কৰে কিয়া" ।এই কথা টুইটাৰ যোগে প্ৰকাশ কৰে অভিনেতাগৰাকীয়ে ।
এতিয়ালৈকে গীতটো কোনে গাইছে সেয়া নিশ্চিতকৈ জানিব পৰা হোৱা নাই যদিও অভিনেতাগৰাকীয়ে তেঁওৰ টুইটাৰ প'ষ্টটোত চিটাহ,দীপা আনকৃষ্ণণ,কাম ভাৰী আৰু স্পিট ফায়াৰৰ দৰে কেইবাজনো সংগীতশিল্পীক টেগ কৰা পৰিলক্ষিত হৈছে । উল্লেখ্য যে , বেনাৰচ মিডিয়া ৱৰ্কচৰ এই চলচ্চিত্ৰখন মুক্তি পাব জুন মাহৰ 28 তাৰিখে । অনুৰাগীৰ বহু প্ৰত্যাশিত এই চলচ্চিত্ৰখনৰ নিৰ্দেশনা কৰিছে অনুভৱ সিনহাই ।
