কি ৰং দেখুৱাব 'প্ৰতিঘাতে' ?

মুক্তি পালে অন্য এখন নতুন অসমীয়া ছবি 'প্ৰতিঘাত'ৰ ট্ৰেইলাৰ

চিটাৰা ডেস্ক,1 নৱেম্বৰঃ অসমীয়া চলচ্চিত্ৰ জগত তথা অসমবাসীলৈ সুখবৰ ৷ ছবিগৃহলৈ আহিছে এখনৰ পিছত এখন অসমীয়া ছবি ৷ অহা 6 ডিচেম্বৰত ছবিগৃহলৈ আহিব নতুন অসমীয়া ছবি 'প্ৰতিঘাত' ৷ ছবিখনৰ মুখ্য চৰিত্ৰত অভিনয় কৰিছে অমৃতা গগৈ আৰু দিগন্ত হাজৰিকাই ৷ শুকুৰবাৰে অভিনেত্ৰীগৰাকীয়ে নিজৰ চ'ছিয়েল মিডিয়া একাউন্ট যোগে দৰ্শকৰ বাবে প্ৰচাৰ কৰে ছবিখনৰ ট্ৰেইলাৰ ৷

অমৃতাৰ উপৰিও ছবিখনত অভিনয় কৰিছে বহু ন-পুৰণি অভিনেতা-অভিনেত্ৰীয়ে ৷ অন্যান্য মুখ্য চৰিত্ৰত অভিনয় কৰিছে,বিশিষ্ট অভিনেতা বিষ্ণু খাৰঘৰীয়া,কে কে খ্যাত সিদ্ধাৰ্থ শৰ্মা,পদ্মৰাগ গোস্বামী,হিৰণ্য ডেকা,শিশু শিল্পী আশ্ৰমিকা শইকীয়াকে আদি কৰি বহু কেইগৰাকী শিল্পীয়ে ৷ নৰমান ষ্টুডিঅ'ৰ বেনাৰত নিৰ্মিত ছবিখন পৰিচালনা কৰিছে অচিন্ত্য শংকৰে ৷ জানিব পৰা মতে,প্ৰতিঘাত টিমেও ৰত্নাকৰ,কাঞ্চনজংঘাৰ দৰেই অসমৰ বিভিন্ন ঠাইত ছবিখনৰ প্ৰচাৰ চলাব ৷