চিটাৰা ডেস্ক,23 অক্টোবৰ : পুনৰ কেমেৰা আৰু পৰ্দালৈ ঘূৰি আহিছে অভিনেত্ৰী সুস্মিতা সেন ৷ কিন্তু এসময়ত তেওঁ এই সকলোবোৰৰ পৰা বিৰতি লৈছিল ৷ বিৰতিৰ সময়ে তেওঁক আত্মনিৰীক্ষণ কৰাত সহায় কৰা বুলি বিউটি কুইন গৰাকীয়ে উল্লেখ কৰে ৷
2015 চনত মুক্তি লাভ কৰা ‘Nirbaak’ নামৰ বঙালী ছবিখনৰ পাচত চলিত বৰ্ষত মুক্তি লাভ কৰা ‘Aarya’ নামৰ ৱেব চিৰিজৰ সৈতে পুনৰ পৰ্দালৈ ঘূৰি আহে সুস্মিতা সেনে ৷ এক সংবাদ মাধ্যমযোগে তেওঁ এই কথা সদৰি কৰে ৷
ইয়াৰ লগতে Aarya সন্দৰ্ভত তেওঁ কয় যে,‘‘এই ৱেব চিৰিজটোৰ অভিজ্ঞতা সুকীয়া ৷ দৰ্শকে আৰ্য়াক মনৰ পৰা আদৰি লৈছে ৷ আমি সদায় ব্যতিক্ৰমীভাৱে কাম কৰা উচিত ৷ এতিয়া মই Aarya-2ৰ বাবে সাজু হৈছো ৷
Aarya-2ৰ পূৰ্বে তেওঁ এক ডিজিটেল ৰিয়েলিটি ফেশ্বন শ্ব’ত বিচাৰকৰ ভুমিকা পালন কৰিব ৷ ফেশ্বনে সদায় তেওঁৰ অন্তৰত বিশেষ স্থান দখল কৰি আছে বুলি সুস্মিতাই জানিবলৈ দিয়ে ৷
আগন্তুক 27 অক্টোবৰত এই ফেশ্বন ৰিয়েলিটি ফেশ্বন শ্ব’টো Myntra App,MTV আৰু Vootত সম্প্ৰচাৰ হ’ব ৷
লগতে পঢ়ক : বাহুবলী প্ৰভাষলৈ জন্মদিনৰ অলেখ শুভকামনা
