সুশান্তৰ অন্তিমখন ছবিৰ ট্ৰেইলাৰ মুকলি

সোমবাৰে মুক্তি লাভ কৰিলে সুশান্ত সিং ৰাজপুতৰ শেষৰ ছবি দিল বেচাৰাৰ ট্ৰেইলাৰ ৷ এই ছবিখনক লৈ তেওঁৰ অনুৰাগীসকল যথেষ্ট আৱেগিক আৰু উৎসাহী হৈ আছে ৷ ছবিখনত সুশান্ত সিং ৰাজপুতৰ সৈতে মুখ্য চৰিত্ৰত অভিনয় কৰিছে সঞ্জনা সাংঘীয়ে ৷

চিটাৰা ডেস্ক,6জুলাইঃ সোমবাৰে মুক্তি পালে সদ্যপ্ৰয়াত বলীউডৰ প্ৰসিদ্ধ অভিনেতা সুশান্ত সিং ৰাজপুতৰ শেষৰখন ছবি দিল বেচাৰাৰ বহু প্ৰত্যাশিত ট্ৰেইলাৰটো ৷ য'ত অভিনেতা গৰাকীৰ লগত মুখ্য চৰিত্ৰত অভিনয় কৰিছে নৱাগত অভিনেত্ৰী সঞ্জনা সাংঘীয়ে৷

• " class="align-text-top noRightClick twitterSection" data="">

সুশান্তৰ অনুৰাগীসকলে বহু আশাৰে ৰৈ আছিল ট্ৰেইলাৰটোৰ বাবে ৷ সুশান্তৰ অনুৰাগীসকলে ছবিখন ছবিগৃহত চোৱাৰ ইচ্ছা প্ৰকাশ কৰিছিল যদিও কৰ'ণাৰ প্ৰভাৱৰ বাবে সেয়া সম্ভৱ হৈ নুঠিল ৷

সেয়ে ছবিখন বৰ্তমান ডিজিটেলি মুক্তি দিয়াৰ সিদ্ধান্ত গ্ৰহণ কৰা হৈছে ৷ সুশান্তৰ সৈতে অভিনয় কৰা অভিনেত্ৰী সঞ্জনা সাংঘীয়ে এই ছবিখনৰ জৰিয়তে বলীউড জগতত পদাৰ্পণ কৰিছে ৷ ছবিখনক লৈ সুশান্তৰ বহু অনুৰাগী যথেষ্ট সুখী, উৎসাহী আৰু আৱেগিক হৈ পৰিছে৷

ট্ৰেইলাৰটো মুক্তি পোৱাৰ পিছতে দৰ্শকসকল যথেষ্ট আৱেগিক হৈ পৰাৰ লগতে ট্ৰেইলাৰটোক লৈ আৱেগিক কমেন্ট প্ৰদান কৰিছে ৷

জনাই থওঁ যে, সুশান্ত সিং ৰাজপুতৰ শেষৰখন ছবি পৰিচালনা কৰিছে মুকেশ ছাৱৰাই ৷ অহা 24 জুলাই তাৰিখে অ'টিটি প্লেটফৰ্মৰ জৰিয়তে দৰ্শকৰ কাষ চাপিবলৈ সাজু হৈছে সুশান্ত সিং ৰাজপুতৰ জীৱনৰ শেষৰখন ছবি দিল বেচাৰা ৷

লগতে পঢ়কঃজন্মদিন বিশেষঃদৰ্শকৰ হৃদয়ত স্থান লোৱা 35বছৰীয়া ৰণবীৰ সিং