কামৰূপ,11ছেপ্টেম্বৰঃ ৰাজ্যত পুনৰ ভূলুন্ঠিত মানৱতা । বাইহাটা চাৰিআলিৰ কমলপুৰ থানাৰ অন্তৰ্গত দ্বিগুনপাৰ গাঁৱত উদ্ধাৰ নৱজাতকৰ মৃতদেহ । সমাজৰ অপবাদৰ পৰা ৰক্ষা পাবলৈ মাটিত পুতি থলে এটি নৱজাতকৰ মৃতদেহ ।
ঘটনা অনুসৰি, কমলপুৰ আৰক্ষী থানাৰ অন্তৰ্গত আঠগাঁৱৰ যুৱক পংকজ ডেকাৰ লগত দ্বিগুনপাৰ গাঁৱৰে এগৰাকী যুৱতীৰ গঢ়ি উঠিছিল প্ৰেমৰ সম্পৰ্ক । পৰৱৰ্তী সময়ত প্ৰেমৰ পৰিণতি স্বৰূপে যুৱতীগৰাকী গৰ্ভৱতী হয় । এই কথা গম পাই পিতৃত্বৰ বোজাৰ পৰা হাত সাৰিবলৈ পংকজ ডেকা নামৰ যুৱকজনে নিজে মৃত সন্তানটি বাৰীৰ পিচফালে পুতি থৈ উধাও হয় । পাচত সমগ্ৰ ঘটনা পৰিয়ালৰ লোকে গম পাই কমলপুৰ আৰক্ষী থানাত পংকজ ডেকাৰ বিৰুদ্ধে এখন এজাহাৰ দাখিল কৰে ৷ এই এজাহাৰৰ ভিত্তিত কমলপুৰ আৰক্ষীয়ে মাটিত পুটি থোৱা অৱস্থাত নৱজাতক শিশুটিৰ মৃতদেহ উদ্ধাৰ কৰে ৷ উল্লেখ্য যে, অভিযুক্ত পংকজ ডেকা বৰ্তমান পলাতক অৱস্থাত আছে ৷
