2023 Nobel Prize in Physics: ২০২৩ চনৰ পদাৰ্থবিদ্যাৰ নোবেল বঁটা ঘোষণা; তিনি বিজ্ঞানীলৈ যুটীয়াভাৱে এইবাৰৰ বঁটা

মঙলবাৰে এক প্ৰেছ বিজ্ঞপ্তিত একাডেমীয়ে ঘোষণা কৰিছে যে ২০২৩ চনৰ পদাৰ্থ বিজ্ঞানৰ নোবেল বঁটাৰ বাবে তিনিগৰাকী বিজ্ঞানীক তেওঁলোকৰ পৰীক্ষাৰ বাবে স্বীকৃতি দিয়া হৈছে । তেওঁলোকে পৰমাণু আৰু অণুৰ ভিতৰত ইলেক্ট্ৰ'ন অন্বেষণৰ বাবে মানৱ সমাজক নতুন সঁজুলি প্ৰদান কৰিছে । একাডেমীয়ে কয়, "পিয়েৰ এগোষ্টিনি, ফেৰেংক ক্ৰাউজ আৰু এনি ল'হুইলিয়াৰে পোহৰৰ অতি হ্ৰস্ব স্পন্দন সৃষ্টি কৰাৰ এক উপায় প্ৰদৰ্শন কৰিছে । যাক দ্ৰুত প্ৰক্ৰিয়াবোৰ জোখাৰ বাবে ব্যৱহাৰ কৰিব পাৰি, য'ত ইলেক্ট্ৰ'নবোৰ চলাচল কৰে বা শক্তি সলনি কৰে ।"

ইণ্টাৰনেচনেল ডেস্ক, ৩ অক্টোবৰ: ৰয়েল ছুইডিছ একাডেমী অব ছায়েন্সেছে পিয়েৰ এগোষ্টিনি (আমেৰিকা যুক্তৰাষ্ট্ৰৰ অহিঅ' ষ্টেট ইউনিভাৰ্চিটি, কলম্বাছ), ফেৰেংক ক্ৰাউজ (মেক্স প্লেংক ইনষ্টিটিউট অব কোৱাণ্টাম অপ্টিক্স, গাৰ্চিং আৰু লুডৱিগ-মেক্সিমিলিয়ানছ-ইউনিভাৰছিটেট মানচেন, জাৰ্মানী) আৰু এনি এল'হুইলিয়াৰক (লুণ্ড বিশ্ববিদ্যালয়, ছুইডেন) 'For experimental methods that generate attosecond pulses of light for the study of electron dynamics in matter'-ৰ বাবে পদাৰ্থ বিজ্ঞানৰ নোবেল বঁটা প্ৰদান কৰাৰ সিদ্ধান্ত লৈছে ।

উল্লেখ্য যে নোবেল পুৰস্কাৰৰ ধনৰাশি হৈছে ১১ নিযুত ছুইডিছ ক্ৰ'নাৰ । এই ধন বঁটা বিজয়ীসকলৰ মাজত সমানে ভগাই দিয়া হ'ব । মঙলবাৰে এক প্ৰেছ বিজ্ঞপ্তিত একাডেমীয়ে কয় যে ২০২৩ চনৰ পদাৰ্থ বিজ্ঞানৰ নোবেল বঁটা তিনিজন নোবেল বিজয়ীক তেওঁলোকৰ পৰীক্ষাৰ বাবে স্বীকৃতি হিচাপে প্ৰদান কৰা হৈছে ।

• BREAKING NEWS
  The Royal Swedish Academy of Sciences has decided to award the 2023 #NobelPrize in Physics to Pierre Agostini, Ferenc Krausz and Anne L’Huillier “for experimental methods that generate attosecond pulses of light for the study of electron dynamics in matter.” pic.twitter.com/6sPjl1FFzv

  — The Nobel Prize (@NobelPrize) October 3, 2023 " class="align-text-top noRightClick twitterSection" data="

  BREAKING NEWS
  The Royal Swedish Academy of Sciences has decided to award the 2023 #NobelPrize in Physics to Pierre Agostini, Ferenc Krausz and Anne L’Huillier “for experimental methods that generate attosecond pulses of light for the study of electron dynamics in matter.” pic.twitter.com/6sPjl1FFzv

  — The Nobel Prize (@NobelPrize) October 3, 2023

  ">

  BREAKING NEWS
  The Royal Swedish Academy of Sciences has decided to award the 2023 #NobelPrize in Physics to Pierre Agostini, Ferenc Krausz and Anne L’Huillier “for experimental methods that generate attosecond pulses of light for the study of electron dynamics in matter.” pic.twitter.com/6sPjl1FFzv

  — The Nobel Prize (@NobelPrize) October 3, 2023

তেওঁলোকে পৰমাণু আৰু অণুৰ ভিতৰত ইলেক্ট্ৰ'নৰ জগত অন্বেষণৰ বাবে মান সমাজক নতুন সঁজুলি প্ৰদান কৰিছে । একাডেমীয়ে কয়, "পিয়েৰ এগোষ্টিনি, ফেৰেংক ক্ৰাউজ আৰু এনি ল'হুইলিয়াৰে পোহৰৰ অতি হ্ৰস্ব স্পন্দন সৃষ্টি কৰাৰ এক উপায় প্ৰদৰ্শন কৰিছে । ইয়াক দ্ৰুত প্ৰক্ৰিয়াবোৰ জোখাৰ বাবে ব্যৱহাৰ কৰিব পাৰি, য'ত ইলেক্ট্ৰ'নবোৰে চলাচল কৰে বা শক্তি সলনি কৰে ।"

উল্লেখ্য, ১৯৮৭ চনত এনি ল'হুইলিয়াৰে আৱিষ্কাৰ কৰিছিল যে যেতিয়া তেওঁ এক সম্ভ্ৰান্ত গেছৰ জৰিয়তে ইনফ্ৰাৰেড লেজাৰ পোহৰ প্ৰেৰণ কৰিছিল তেতিয়া পোহৰৰ বিভিন্ন বৰ্ণালী উদ্ভৱ হৈছিল । প্ৰতিটো বৰ্ণালী হৈছে লেজাৰ পোহৰত প্ৰতিটো চক্ৰৰ বাবে নিৰ্দিষ্টসংখ্যক চক্ৰৰ সৈতে এক পাতল তৰংগ । এই লেজাৰ পোহৰবোৰ গেছৰ পৰমাণুৰ সৈতে আদান-প্ৰদান কৰাৰ ফলত হয়; ই কিছুমান ইলেক্ট্ৰ'নক অতিৰিক্ত শক্তি প্ৰদান কৰে যাক তাৰ পিছত পোহৰ হিচাপে নিৰ্গত কৰা হয় । এনি ল'হুইলিয়াৰে এই পৰিঘটনাটো অন্বেষণ কৰা অব্যাহত ৰাখিছে আৰু পৰৱৰ্তী সফলতাৰ বাবে এক মাইলৰ খুঁটি স্থাপন কৰিছে ।

আনহাতে, ২০০১ চনত পিয়েৰ এগোষ্টিনিয়ে একেৰাহে পোহৰ স্পন্দনৰ এটা শৃংখলা প্ৰস্তুত আৰু অনুসন্ধান কৰাত সফল হৈছিল, য'ত প্ৰতিটো স্পন্দন মাত্ৰ ২৫০ এট'ছেকেণ্ড চলিছিল । একে সময়তে, ফেৰেংক ক্ৰাউজে আন এক প্ৰকাৰৰ পৰীক্ষাৰ বাবে কাম কৰি আছিল, যিটোৱে ৬৫০ এট'ছেকেণ্ড চলি থকা এটা পাতল স্পন্দন পৃথক কৰা সম্ভৱ কৰি তুলিছিল ।

বঁটা বিজয়ীসকলৰ এই অৱদানে প্ৰক্ৰিয়াবোৰৰ অনুসন্ধান সক্ষম কৰিছে । কিয়নো সেইবোৰ ইমান দ্ৰুত আছিল যে পূৰ্বতে সেয়া অনুসৰণ কৰাটো অসম্ভৱ আছিল । "আমি এতিয়া ইলেক্ট্ৰ'নৰ জগতৰ দুৱাৰ মুকলি কৰিব পাৰোঁ । এট'ছেকেণ্ড পদাৰ্থ বিজ্ঞানে আমাক ইলেক্ট্ৰ'নৰ দ্বাৰা নিয়ন্ত্ৰিত প্ৰণালীবোৰ বুজি পোৱাৰ সুযোগ দিয়ে । পৰৱৰ্তী পদক্ষেপটো হ'ব সেইবোৰ ব্যৱহাৰ কৰা ।" পদাৰ্থ বিজ্ঞানৰ নোবেল সমিতিৰ অধ্যক্ষ ইভা অ'লছনে কয় ।

বঁটা বিজয়ীসকলৰ বিষয়ে

পিয়েৰ এগোষ্টিনি: ফ্ৰান্সৰ আইক্স-মাৰ্চেইল বিশ্ববিদ্যালয়ৰ পৰা ১৮৬৮ চনত পিএইচডি । আমেৰিকা যুক্তৰাষ্ট্ৰৰ কলম্বাছৰ অহিঅ' ষ্টেট ইউনিভাৰ্চিটিৰ অধ্যাপক ।

ফেৰেংক ক্ৰাউজ: জন্ম ১৯৬২ চনত হাংগেৰীৰ ম'ৰত । অষ্ট্ৰিয়াৰ ভিয়েনা প্ৰযুক্তিবিদ্যা বিশ্ববিদ্যালয়ৰ পৰা ১৯৯১ চনত পিএইচডি । গাৰ্চিঙৰ মেক্স প্লেংক ইনষ্টিটিউট অব কোৱাণ্টাম অপ্টিক্সৰ সঞ্চালক আৰু জাৰ্মানীৰ লুডৱিগ-মেক্সিমিলিয়ানছ-ইউনিভাৰছিটাট মানচেনৰ অধ্যাপক ।

এনি ল'হুইলিয়াৰ: জন্ম ১৯৫৮ চনত ফ্ৰান্সৰ পেৰিছত । ১৯৮৬ চনত ফ্ৰান্সৰ পেৰিছৰ পিয়েৰ আৰু মেৰী কুৰি বিশ্ববিদ্যালয়ৰ পৰা পিএইচডি । ছুইডেনৰ লুণ্ড বিশ্ববিদ্যালয়ৰ অধ্যাপক ।

লগতে পঢ়ক :Nobel Prize in Medicine: কাটালিন কাৰিকো আৰু ড্ৰিউ ৱেইছমেনলৈ চিকিৎসা বিজ্ঞানৰ নোবেল