ইছলামাবাদত পাক সেনাৰ হেলিকপ্তাৰ দুৰ্ঘটনাগ্ৰস্তঃ 4 পাক সেনা নিহত

ইছলামাবাদৰ গিলগিট বাল্টিস্তানত পাক সেনাৰ হেলিকপ্তাৰ দুৰ্ঘটনাগ্ৰস্ত হোৱাৰ ফলত চাৰি গৰাকীকৈ পাকিস্তানী সেনা বিষয়া নিহত হৈছে ৷

ইন্টাৰনেশ্যনেল ডেস্ক,27 ডিচেম্বৰ: ইছলামাবাদৰ গিলগিট বাল্টিস্তানত পাক সেনা বাহিনীৰ হেলিকপ্তাৰ দুৰ্ঘটনাত চাৰি গৰাকীকৈ পাকিস্তানী সেনা বিষয়া নিহত হৈছে ৷ শনিবাৰে আবেলি অস্তোৰ জিলাৰ মিনিমাৰ্গ অঞ্চলত কাৰিকৰী বিজুতিৰ বাবে দুৰ্ঘটনাত পতিত হয় সেনাৰ হেলিকপ্তাৰখন ৷

উল্লেখ্য যে, হেলিকপ্তাৰখনে স্কাৰ্ডুৰ সেনা চিকিৎসালয়ত আঘাতপ্ৰাপ্ত সেনাৰ কঢ়িয়াই নিছিল ৷ এই দুৰ্ঘটনাত হেলিকপ্তাৰখনৰ পাইলট, সহ-পাইলট সহ দুগৰাকী সেনা নিহত হয় ৷ এই সমগ্ৰ ঘটনা সন্দৰ্ভত শোক প্ৰকাশ কৰিছে গিলগিট-বাল্টিস্তানৰ তথ্য আৰু সম্প্ৰচাৰ মন্ত্ৰী ফাটুল্লাহ খানে ৷

লগতে পঢ়ক-ইউৰোপত নিষিদ্ধ পাকিস্তানী বিমানৰ চলাচল