ইন্টাৰনেশ্যনেল ডেস্ক, 23 ফেব্ৰুৱাৰীঃ মাৰ্কিন ৰাষ্ট্ৰপতি ড’নাল্ড ট্ৰাম্প আৰু মাত্ৰ কেইঘন্টামান পিছতে প্ৰথমবাৰৰবাবে উপস্থিত হ’ব ভাৰতবৰ্ষত ৷ দুদিনীয়া ভ্ৰমণসূচী লৈ পত্নী মেলেনিয়া ট্ৰাম্পৰ সৈতে 24 আৰু 25 ফেব্ৰুৱাৰীত আমেৰিকান বায়ুসেনাৰ বিশেষ বিমান ‘এয়াৰ ফ’ৰ্চ ৱানে’ৰে ভাৰত ভ্ৰমণৰ বাবে আহিব বিশ্বৰ সকলোতকৈ প্ৰভাৱশালী ৰাষ্ট্ৰপতিগৰাকী ৷ 24 ফেব্ৰুৱাৰীত গুজৰাটৰ আহমেদাবাদত উপস্থিত হোৱাৰ পিছতে তেওঁৰ 1.5 মিলিয়ন ডলাৰৰ চেভেন চিটাৰ লিমৌচিন বাহন ‘দ্য বিষ্টে’ৰে নৱনিৰ্মিত বিশ্বৰ সৰ্ববৃহৎ ক্ৰিকেট ষ্টেডিয়াম ম’টেৰাত উপস্থিত হ’ব ৷ ‘এয়াৰ ফ’ৰ্চ ৱান’ আৰু ‘দ্য বিষ্ট’ দুয়োখনেই বিশ্ব প্ৰসিদ্ধ ব্যতিক্ৰম ৷ আহক এই সম্পৰ্কে জানো কিছু কথাঃ
এয়াৰ ফ’ৰ্চ ৱানঃ
এয়াৰ ফ’ৰ্চ ৱান মানেই উৰন্ত হোৱাইট হাউচ ৷ মাৰ্কিন ৰাষ্ট্ৰপতিৰ বিমান এয়াৰ ফ’ৰ্চ ৱান বিশ্বৰ এক অন্যতম সুৰক্ষিত স্থান বুলিব পাৰি ৷ বিশ্বৰ যিকোনো কোণৰ পৰাই এয়াৰ ফ’ৰ্চ ৱানে মাৰ্কিন ৰাষ্ট্ৰপতিৰ প্ৰতিটো মুহূৰ্তই পৰ্যবেক্ষণ কৰে ৷
মাৰ্কিন ৰাষ্ট্ৰপতি তথা সংস্কৃতিত এয়াৰ ফ’ৰ্চ ৱান অন্যতম শক্তিশালী প্ৰতীক চিহ্ন ৷ ‘ইউনাইটেড ষ্টেটচ অফ আমেৰিকা’ নামেৰ তথা আমেৰিকা যুক্তৰাষ্ট্ৰৰ ৰাষ্ট্ৰীয় পতাকা আৰু ৰাষ্ট্ৰপতিৰ চীলৰে সমৃদ্ধ সমগ্ৰ বিশ্বৰ আকাশত উৰন্তভাৱে জিলিকি থকা অন্য এক নামেই হ’ল এয়াৰ ফ’ৰ্চ ৱান ৷
এয়াৰ ফ’ৰ্চ ৱান ভৱিষ্যৎ প্ৰজন্মৰ কাৰিকৰী কৌশলেৰে সু-সুজ্জিত আটাইতকৈ শক্তিশালী বিমান ৷ আমেৰিকাৰ ৰাষ্ট্ৰপতিৰ বাবে এক অন্যতম সুৰক্ষিত স্থানেই হৈছে এয়াৰ ফ’ৰ্চ ৱান ৷
4000 বৰ্গ ফুটৰ এয়াৰ ফ’ৰ্চ ৱান বিমানখন তিনিটা মহলাৰে নিৰ্মিত ৷ ইয়াৰে ৰাষ্ট্ৰপতিৰ বাবে এক বিশাল কাৰ্যালয় সমন্বিতে ই তিনিটা বিভাগত বিভক্ত ৷ ইয়াত কনফাৰেন্স কক্ষৰ উপৰিও চিকিৎসকসহ উচ্চ পৰ্যায়ৰ চিকিৎসা কক্ষও অন্তৰ্ভুক্ত ৷ ইয়াৰোপৰি তাত দুটা খাদ্য গেলাৰী আছে য’ত 100 গৰাকী লোকে একেলগে খাদ্য গ্ৰহণ কৰিব পাৰে ৷
এয়াৰ ফ’ৰ্চ ৱানখন উৰি থকাৰ সময়ত তাৰ চৌপাশে আন কেইবাখনো কাৰ্গো বিমানেৰে সুৰক্ষা প্ৰদান কৰা হয় ৷ বিমানখনত থকা মাৰ্কিন ৰাষ্ট্ৰপতিয় বিমান গ্ৰুপ হোৱাইট হাউচ মিলিটেৰী অফিচৰ দ্বাৰা পৰিচালিত হয় আৰু বিমানখন পৰিচালিত কৰে ৷
দ্য বিষ্টঃ
মাৰ্কিন ৰাষ্ট্ৰপতি ড’নাল্ড ট্ৰাম্পৰ ৰাষ্ট্ৰপতিয় ব্যতিক্ৰমী তথা বিশেষ বাহন যি বিভিন্ন কাৰিকৰী কৌশলেৰে নিৰ্মিত য’ত ৰাষ্ট্ৰপতিগৰাকীক সুৰক্ষিত কৰি ৰাখে 28 ছেপ্তেম্বৰ 2018 চনত ইয়াক মুকলি কৰা হৈছিল ৷ মাৰ্কিন ডলাৰ 1.5 মিলিয়ন দৰৰ এই ‘দ্য বিষ্ট’ নামৰ বাহনখন পূৰ্বৰ ৰাষ্ট্ৰপতি বাৰাক ওবামাই ব্যৱহাৰ কৰা বাহনখনৰ সলনি কৰি ব্যৱহাৰ কৰিবলৈ আৰম্ভ কৰে ৷
এয়াৰ ফ’ৰ্চ ৱানৰ দৰে দ্য বিষ্ট বাহনখনো এক অন্যতম শক্তিশালী সু-সজ্জিত বাহন ৷ য’ত বুলেট প্ৰুফ ব্যৱস্থা, চকাৰ পাংচাৰ প্ৰতিহত ব্যৱস্থাৰ উপৰিও 5 তৰপীয়া গ্লাছৰে নিৰ্মিত এখন শক্তিশালী বাহন ৷ লগতে ই বোমা প্ৰতিৰোধী হোৱাৰ লগতে ৰাসায়নিক পদাৰ্থৰ আক্ৰমণৰ পৰাও ৰক্ষা কৰিব পৰা এখন সম্পূৰ্ণৰূপে সুৰক্ষিত বাহন ৷
ইয়াৰোপৰি বাহনখন অত্যাধুনিক প্ৰযুক্তি তথা সামৰিক ব্যৱস্থাৰে সষ্টম এখন ব্যতিক্ৰমী বাহন ৷ যি যিকনো পৰিস্থিতিতে আক্ৰমণৰ পৰা ৰক্ষা কৰিবলৈ সক্ষম ৷ ইয়াৰোপৰি বাহনখনত চিকিৎসাৰ বাবে প্ৰয়োজনীয় সকলো উন্নত মানৰ ব্যৱস্থাও উপলব্ধ ৷
মুঠৰ ওপৰত সকলো অত্যাধুনিক ব্যৱস্থাৰে নিৰ্মিত এখন সৰ্বোত্তম শক্তিশালী বাহন আমেৰিকাৰ ৰাষ্ট্ৰপতিয়ে ব্যৱহাৰ কৰা ‘দ্য বিষ্ট’ ৷
আৰু পঢ়কঃমাৰ্কিন ৰাষ্ট্ৰপতি ড’নাল্ড ট্ৰাম্পৰ ভাৰত ভ্ৰমণক লৈ হোৱাইট হাউচত আলোচনা চক্ৰ
