নেশ্যনেল ডেস্ক, ১১ জুন: ৰাজস্থানৰ ঝালাৱাড় আৰু বাৰান জিলাত ঘোচ লোৱা দুটা পৃথকে ঘটনাক লৈ বুধবাৰে এজন চিকিৎসা কৰ্মী আৰু এজন কনিষ্ঠ অভিযন্তাক আটক কৰে আৰক্ষীয়ে । ঝালাৱাড়ত চিকিৎসা কৰ্মীজনে হৰিগড় প্ৰাথমিক স্বাস্থ্য কেন্দ্ৰ (PHC)ত কৰ্মৰত হৈ থাকোতে স্বাস্থ্য কেন্দ্ৰটোৰ নাৰ্চৰ গোট এটাৰ পৰা ১২,০০০ টকাৰ ঘোচ লয় । জিলাখনৰ এ.এছ.পি. ভৱানীশংকৰ মীনাই এই কথা জানিবলৈ দিয়ে ।
তেওঁ কয় যে, চিকিৎসা কৰ্মী প্ৰদীপ শৰ্মাই সঞ্জয় মেহৰা নামৰ লোকজনৰ পৰা ১৫,০০০ টকাৰ মাননি বিচাৰিছিল যদিও অৱশেষত ১২,০০০ টকাৰ ঘোচত মান্তি হয় প্ৰদীপ শৰ্মা । মেহৰাই এই সন্দৰ্ভত প্ৰদীপ শৰ্মাৰ বিৰুদ্ধে ব্যুৰৰ সৈতে যোগাযোগ কৰি সোমবাৰে এখন এজাহাৰ দাখিল কৰে । বুধবাৰে এ.চি.বিৰ বিষয়ববীয়াই চিকিৎসা কৰ্মী শৰ্মাক ঘোচ লৈ থকা অৱস্থাত হাতে-লোটে ধৰা পেলায় । উল্লেখ্য যে, বৃহস্পতিবাৰে চিকিৎসা কৰ্মী প্ৰদীপ শৰ্মাক অপৰাধ সন্দৰ্ভত কোটাৰ এ.চি.বি আদালতত তদন্ত জাৰি কৰোৱা হ'ব ।
আনহাতে, এ.চি.বিৰ আন এক বিষয়াই জনোৱা অনুসৰি, জয়পুৰ বিদ্যুৎ বিতৰণ নিগম লিমিটেড (JVVNL)ৰ কনিষ্ঠ অভিযন্তা এজনক মঙলবাৰে বাৰান জিলাৰ পৰা গ্ৰেপ্তাৰ কৰা হয় । অন্ধ্ৰ প্ৰদেশৰ কৃষ্ণাৰ নিৱাসী আৰু বাৰান জিলাৰ সমৰানিয়াত কনিষ্ঠ অভিযন্তা হিচাপে কৰ্মৰত গম্পা প্ৰমোদক এ.চি.বি বিষয়াই নিজ আৱাসগৃহৰ পৰা গ্ৰেপ্তাৰ কৰে । অভিযন্তা প্ৰমোদে বিজুলী মিটাৰ সলনি কৰাৰ বাবদ ৰামকৃষ্ণ কিৰাড় নামৰ লোকজনৰ পৰা ১০,০০০ টকা ঘোচ লোৱাৰ কথা স্বীকাৰ কৰে । এই ঘটনা সন্দৰ্ভত কনিষ্ঠ অভিযন্তাজনক কোটাৰ এ.চি.বি আদালতত হাজিৰ কৰোৱা হ'ব ।
লগতে পঢ়ক: গুগলে মুকলি কৰিলে এন্ড্ৰইড 11ৰ প্ৰথমটো বেটা ভাৰ্চন
