চিটাৰা ডেস্ক, 20 ডিচেম্বৰ : হলীউডৰ জনপ্ৰিয় অভিনেতা লিঅ’নাৰ্ড ডিকাপ্ৰিঅ’ক লৈ প্ৰকাশ হৈছে এক আমোদজনক তথ্য ৷ তেওঁৰ এগৰাকী ব্ৰিটিছ-অষ্ট্ৰেলিয়ান সহ-অভিনেত্ৰী মিৰিয়াম মাৰ্গোলিছে প্ৰকাশ কৰিছে এই তথ্য ৷ লিঅ’নাৰ্ড ডিকাপ্ৰিঅ’ই যেতিয়াই ডেট কৰে প্ৰত্যেকবাৰেই 25 বছৰৰ তলৰ বয়য়ৰ ছোৱালীহে ডেট কৰে ৷
বৰ্তমান ডিকাপ্ৰিঅ’ তেওঁতকৈ তুলনাত 21 বছৰ সৰু ছুপাৰ মডেল গিগি হাদিদৰ সৈতে সম্পৰ্কত আছে (Leonardo DiCaprio dating gigi hadid)। মিৰিয়ামৰ মতে, লিঅ’নাৰ্ডই তেওঁৰ বয়সৰ কাৰোৰে সৈতে কেতিয়াও ডেট নকৰাৰ কাৰণ আছে (Miriam Margolyes news) ।
81 বছৰীয়া অভিনেত্ৰী গৰাকীয়ে তেওঁৰ ৰোমিঅ’ + জুলিয়েটৰ সহ-অভিনেতা গৰাকীক “অতি মূৰ্খ” বুলি অভিহিত কৰিছে ৷ 25 বছৰৰ ওপৰৰ কাকো কেতিয়াও ডেটিং নকৰাৰ বাবে তেওঁ অনুমান কৰিছে যে ডিকাপ্ৰিঅ’ পিতৃ হ’ব নিবিচাৰে ৷ সেয়েহে 48 বছৰীয়া তাৰকা গৰাকীয়ে কেৱল 25 বছৰ বয়সতকৈ কম বয়সৰ ছোৱালীহে ডেট কৰে ।
ইফালে, মিৰিয়ামে তেওঁৰ কেমব্ৰিজ বিশ্ববিদ্যালয়ৰ প্ৰাক্তন সহপাঠী জন ক্লিজক "বেয়া মানুহ" বুলি অভিহিত কৰিছিল আৰু জোৰ দি কৈছিল যে তেওঁ কেতিয়াও তেওঁৰ আহিবলগীয়া জিবি নিউজ শ্ব'ত উপস্থিত নথাকিব । তেওঁ চানডে টাইমছ কালচাৰ আলোচনীক কৈছিল, "এনেকুৱা দুজন পুৰুষ আছে যাৰ সৈতে মই কেতিয়াও উপস্থিত নহও, এজন জন ক্লিজ আৰু আনজন হৈছে পিয়েৰ্ছ মৰ্গান" ৷
কিন্তু হেৰী পটাৰৰ অভিনেত্ৰী গৰাকীৰ এজন প্ৰিয় ব্যক্তি হ’ল কিং চাৰ্লছ । তেওঁ কয়, "মই ভাবো তেওঁ এজন অতি সহৃদয়ৱান ব্যক্তি ৷ মই তেওঁক সন্মান কৰো আৰু মই তেওঁক ভাল পাওঁ" ৷ মিৰিয়ামে মানুহে তেওঁক প্ৰদৰ্শন কৰা বুলি ভাবিলেও একো গুৰুত্ব নিদিয়ে ।
লগতে পঢ়ক : Besharam Rang গানটোত উত্তেজক বস্ত্ৰ পৰিধান কৰা বুলি দীপিকাক লৈ কটু মন্তব্য মুকেশ খান্নাৰ
