চিটাৰা ডেস্ক, 2 মাৰ্চ: বলীউডত ষ্টাণ্ট আৰু নৃত্যৰে জনপ্ৰিয়তা অৰ্জন কৰা অভিনেতা টাইগাৰ শ্ৰফৰ আজি 33 সংখ্যক জন্মদিন (Happy Birthday Tiger Shroff) ৷ ২০১২ চনত হিৰ’পন্টি ছবিৰ জৰিয়তে বলীউডত আত্ম প্ৰকাশ কৰিছিল টাইগাৰে ৷ পৰবৰ্তী সময়ত বাঘী, হিৰ’পন্টি 2 , ৱাৰৰ দৰে ৰোমান্টিক আৰু একচন ছবিত নিজৰ মন্ত্ৰমুগ্ধ অভিনয়ৰ বাবে আৰু অধিক জনপ্ৰিয় হৈ পৰে অভিনেতাগৰাকী (Know unknown things about Tiger) ৷
টাইগাৰৰ ব্যক্তিগত জীৱন আৰু তেওঁৰ প্ৰকৃত নাম
১৯৯০ চনৰ ২ মাৰ্চত জন্ম হৈছিল টাইগাৰৰ ৷ টাইগাৰ শ্ৰফৰ প্ৰকৃত নাম জয় হেমন্ত শ্ৰফ (Tiger Shroff real name) ৷ ভাৰতীয় চলচ্চিত্ৰ জগতৰ জনপ্ৰিয় অভিনেতা জেকী শ্ৰফ আৰু প্ৰযোজক আয়েশা দত্তৰ পুত্ৰ হৈছে টাইগাৰ শ্ৰফ । কৃষ্ণ শ্ৰফ নামৰ এগৰাকী সৰু ভগ্নীও আছে অভিনেতাগৰাকীৰ ।
উল্লেখ্য যে, পিতৃৰ ফালৰ পৰা তেওঁ গুজৰাটী আৰু তুৰ্কমেন বংশৰ ৷ আনহাতে মাতৃৰ ফালৰ পৰা তেওঁ বাংলা আৰু বেলজিয়াম বংশৰ । ভগৱান শিৱৰ এজন প্ৰকৃত ভক্ত হয় অভিনেতাগৰাকী ৷ প্ৰতি সোমবাৰে আৰু মহাশিৱৰাত্ৰি উৎসৱৰ সময়ত তেওঁ ব্ৰত পালন কৰে।
আমেৰিকান স্কুল অৱ বম্বেত অধ্যয়ন কৰিছিল অভিনেতাগৰাকী । মাৰ্শাল আৰ্টৰ অভিজ্ঞতাৰ বাবে অভিনেতাগৰাকী প্ৰায়ে আন অভিনেতাসকলক চলচ্চিত্ৰৰ বাবে প্ৰশিক্ষণ দিয়াত সহায় কৰিছিল ৷ ২০১৪ চনত অভিনেতাগৰাকী টাইকোৱাণ্ডোত পঞ্চম ডিগ্ৰী ব্লেক বেল্টৰ সন্মান লাভ কৰিছিল ৷
টাইগাৰৰ কৰ্মজীৱন
2012 চনত প্ৰতিভাশালী অভিনেত্ৰী কৃতি সেননৰ সৈতে ‘হিৰ’পন্টি’ ছবিৰে অভিনয় জগতত আত্মপ্ৰকাশ কৰিছিল টাইগাৰে । ছাব্বিৰ খানৰ পৰিচালনাত নিৰ্মিত ছবিখনে দৰ্শকৰ অভূৰ্তপূৰ্ব সঁহাৰি লাভ কৰিবলৈ সক্ষম হয় আৰু বক্স অফিচত 65.2 কোটি টকা সংগ্ৰহ কৰে ছবিখনে । ছবিখনত অভিনয় আৰু নৃত্যৰ দক্ষতাৰে লাখ লাখ অনুৰাগীৰ হৃদয় জয় কৰিবলৈ সক্ষম হৈছিল অভিনেতাজনে ।
প্ৰথম ছবিখনত কৰা অসাধাৰণ অভিনয়ৰ বাবে অভিনেতাগৰাকীয়ে শ্ৰেষ্ঠ অৱতাৰণা পুৰুষৰ ফিল্মফেয়াৰ বঁটা লাভ কৰিছিল (Tiger get Filmfare Award for Best Debut male) । পিছলৈ অভিনেতাগৰাকীয়ে ‘বাগী’ ছবিত অভিনয় কৰে । ছাব্বিৰ খানৰ পৰিচালনাত নিৰ্মিত ছবিখনত শ্ৰদ্ধা কাপুৰ, সুধীৰ বাবু আৰু শৌৰ্য্য ভৰদ্বাজে মুখ্য চৰিত্ৰত অভিনয় কৰিছিল । ইয়াৰ পিচত টাইগাৰৰ পৰৱৰ্তী ছবি আছিল জেকলিন ফাৰ্ণাণ্ডেজৰ সৈতে ৰেমো ডি’ছৌজাৰ ছবি ফ্লাইং জাট । ২০১৬ চনত মুক্তি পোৱা এই ছবিখন ছুপাৰ হিট ৰূপে পৰিগণিত হয় আৰু ছবিখন বক্স অফিচত ৪২ কোটি টকা উপাৰ্জন কৰে।
ইয়াৰ পিচত অভিনেতাগৰাকীয়ে বহু প্ৰতিভাৱান শিল্পীৰ সৈতে কাম কৰে । টাইগাৰে দিশা পাটানীৰ সৈতে একচন ছিকুৱেল ছবি ‘বাগী ২’ত অভিনয় কৰে । ২০১৯ চনত হৃতিক ৰোশনৰ সৈতে ৱাৰ ছবিখনত কাম কৰিছিল ।
লগতে পঢ়ক: Hazel Keech Birthday: বডীগাৰ্ড ছবিখনত প্ৰেমত পৰি স্বাৰ্থপৰ হৈ বন্ধুত্ব পাহৰি পেলাইছিল হেজেলে
