চিটাৰা ডেস্ক, 26 জানুৱাৰী : 1950 চনৰ 26 জানুৱাৰীত ভাৰতৰ সংবিধান কাৰ্যকৰী হয় আৰু ৰাষ্ট্ৰখন এখন গণৰাজ্যত পৰিণত হয় । সেয়েহে, এই দিনটো সকলো ভাৰতীয়ৰ বাবে অত্যন্ত গুৰুত্বপূৰ্ণ । দেশৰ প্ৰতিজন নাগৰিকে গণৰাজ্য দিৱসৰ কুচকাৱাজৰ সময়ত দেশৰ মনোমোহা সংস্কৃতি আৰু ইয়াৰ সাহসী সামৰিক বাহিনীক সন্মান জনাই দেশপ্ৰেমৰ এক শক্তিশালী অনুভূতিৰে এই ঐতিহাসিক দিনটো উদযাপন কৰে ।
গণৰাজ্য দিৱসৰ এই বিশেষ দিনটো কিছুমান দেশপ্ৰেমমূলক সংগীত শুনি আপোনালোকে ঘনিষ্ঠ বন্ধু-বান্ধৱ আৰু পৰিয়ালৰ সৈতে উদযাপন কৰিব পাৰে (bollywood patriotic songs) । এই পৰিস্থিতিত বলীউডে সদায় আমালৈ সহায়ৰ হাত আগবঢ়াই আহিছে । কণ্ঠশিল্পী লতা মংগেশকাৰৰ "এ মেৰে ৱতন কে লোগো" ৰ পৰা আৰম্ভ কৰি "মেৰী দেশ কি ধৰতী" লৈকে সকলো গীততে ভাৰতৰ সুন্দৰতা উদযাপন কৰা হৈছে ।
তলত কেইটামান গানৰ লিংক আপোনালোকলৈ আগবঢ়ালো-
'Teri Mitti' from 'Kesari':
- " class="align-text-top noRightClick twitterSection" data="">
2019 ৰ এলবাম 'কেশৰী' ৰ প্ৰাণৱন্ত একক 'তেৰি মিট্টি' ত ভাৰতৰ সৌন্দৰ্য প্ৰদৰ্শিত হৈছে । শক্তিশালী গীত, প্ৰাণৱন্ত সংগীত আৰু পাঞ্জাৱী আভাসৰ সৈতে, গানটোত সৈনিকসকলৰ বলিদানক সন্মান জনোৱা হয় । আপোনাক আজি ভাৰতৰ স্বাধীনতা সংগ্ৰামত হেৰুওৱা বহুতো প্ৰাণৰ কথা মনত পেলাই দিয়া হ'ব । পাঞ্জাৱী শিল্পী বি প্ৰাকে গানটো পৰিৱেশন কৰিছিল, যিটো মনোজ মুন্তাশিৰে লিখিছিল আৰু আৰ্কো প্ৰভো মুখাৰ্জীয়ে ৰচনা কৰিছিল । বলীউডৰ অভিনেত্ৰী পৰিণীতি চোপ্ৰাই এই গানটোৰ নাৰীসংস্কৰণ গাইছে ।
'Ae Watan' from 'Raazi':
- " class="align-text-top noRightClick twitterSection" data="">
‘এ ৱাটান’ 2018 চনৰ ভাৰতীয় চিনেমা ৰাজীৰ চাউণ্ডট্ৰেকত সন্নিৱিষ্ট এটি জাতীয়তাবাদী গীত । গীতটি পৰিবেশন কৰে সুনিধি চৌহান আৰু অৰিজিত সিঙে । গীতৰ কথা লিখিছিল গুলজাৰ আৰু আল্লামা ইকবালে আৰু সংগীত ৰচনা কৰিছিল শংকৰ-এহছান-লয়ে । গীতটোৰ ভিডিঅ’টোত চেহমত খানৰ চৰিত্ৰত অভিনয় কৰিছে আলিয়া ভাটে । গানটোৱে ব্যক্তিৰ নিজৰ জাতিৰ সৈতে থকা বন্ধন প্ৰকাশ কৰে ।
'Ye Jo Desh Hai Tera' from 'Swades':
- " class="align-text-top noRightClick twitterSection" data="">
শ্বাহৰুখ খান আৰু গায়ত্ৰী যোশীৰ চিনেমা 'স্ৱদেশ' ৰ গীত 'য়েহ জো দেশ হে তেৰা' এটা অন্যতম দেশপ্ৰেম মূলক গীত । সুৰকাৰ এ আৰ ৰহমানে আশুতোষ গোৱাৰিকৰৰ পৰিচালিত চিনেমাখনৰ বাবে সংগীত ৰচনা আৰু কণ্ঠদান কৰিছিল । গীতটিৰ কথা লিখিছে জাভেদ আখটাৰে । 2004 চনৰ চিনেমাখনৰ গীতটোত নিজৰ মাতৃভূমিৰ কথা কোৱা হৈছে আৰু দেশৰৰ সৈতে জনসাধাৰণৰ সংযোগ কেনেকৈ অবিচ্ছেদ্য সেই কথা প্ৰকাশ কৰা হৈছে ।
'Vande Mataram' from 'ABCD2':
- ' class='align-text-top noRightClick twitterSection' data=''>
'বন্দে মাতৰম' গানটো 2015 চনৰ ছবি 'এনি বডী কেন ডান্স 2' ৰ । গানটোৰ কথাবোৰ ৰিমি নিক আৰু বাদশ্বাহে লিখিছিল । ইয়াক তানিষ্কা সংঘৱী, দিব্যা কুমাৰ, বাদশ্বাহ আৰু ডালেৰ মেহেন্দীয়ে পৰিৱেশন কৰিছিল । ই ভাৰতৰ সৰ্বশ্ৰেষ্ঠসকলক সন্মানিত কৰে ।
'Rang De Basanti' (Title Track):
- " class="align-text-top noRightClick twitterSection" data="">
2006 চনৰ ছবিখনৰ চাউণ্ডট্ৰেক চনী মিউজিক এণ্টাৰটেইনমেণ্টে উপলব্ধ কৰিছিল । ইয়াত ৰেপাৰ ব্লাজে ইংৰাজী আৰু হিন্দী দুয়োটা ভাষাতে লিখা গীত আৰু এ আৰ ৰহমানৰ সংগীত আছিল । ডালেৰ মেহেন্দীয়ে পৰিবেশন কৰা এই গীতটোত ভাৰতৰ চহকী সাংস্কৃতিক ঐতিহ্যক চিত্ৰিত কৰা হৈছে । নিঃসন্দেহে এই গানটো নিজকে উৎফুল্লিত কৰা গীত ৷
লগতে পঢ়ক : 74th Republic Day:গণৰাজ্য দিৱসত আপোনাৰ মাজত দেশপ্ৰেম জগাই তুলিব পৰা কেইখনমান ছবিৰ কথা জানক
