চিটাৰা ডেস্ক, 5 এপ্ৰিল: বলীউড অভিনেতা ছলমান খানে প্ৰায়ে অহা-যোৱা কৰিবলগীয়া হয় আদালতলৈ । বিভিন্ন গোচৰত নাম সাঙোৰ খাই আছে অভিনেতাজনৰ ৷ এতিয়া সাংবাদিকৰ হাতৰ পৰা ফোন কাঢ়ি নিয়া ঘটনা এটাত বেয়াকৈ সোমাই পৰিছে বলীউডৰ ভাইজান ৷
ছলমানে এতিয়া এই গোচৰটো সন্দৰ্ভত মুম্বাই উচ্চ ন্যায়ালয়ৰ কাষ চাপিছে । অভিযোগকাৰী অশোক শ্যামলাল পাণ্ডেই ছলমান খান আৰু তেওঁৰ দেহৰক্ষীৰ বিৰুদ্ধে আইপিচিৰ ৩২৪, ৩৯২, ৪২৬, ৫০৬(২), আৰ/ডব্লিউ ৩৪ ধাৰাৰ অধীনত অভিযোগ দাখিল কৰিছিল (Salman Khan court cases pending)।
2019 চনৰ ঘটনা এইয়া ৷ এজন সাংবাদিকৰ ফোন কাঢ়ি নিয়া আৰু তেওঁৰ সৈতে দুৰ্ব্যৱহাৰ কৰাৰ বাবে ছলমান খান আৰু তেওঁৰ দেহৰক্ষীৰ বিৰুদ্ধে অভিযোগ দাখিল কৰিছিল সাংবাদিকজনে (Salman Khan court case) ৷ দণ্ডাধীশৰ আদালতে দুয়োলৈকে জাৰি কৰিছিল নতুন চমন । এতিয়া এই গোচৰৰ সন্দৰ্ভত অভিনেতাজন কাষ চাপিছে মুম্বাই উচ্চ ন্যায়ালয়ৰ ৷
ছলমান খানক জাৰি কৰা চমন অনুসৰি তেওঁ 5 এপ্ৰিলত দণ্ডাধীশৰ আদালতত হাজিৰ হোৱাৰ কথা আছিল । সাংবাদিকজনে ছলমানৰ বিৰুদ্ধে মুম্বাইৰ ডিএন নগৰ আৰক্ষী চকীত অভিযোগ দাখিল কৰিছিল ।
প্ৰকৃততে ঘটনাটো আছিল কি?
লিংকিং ৰোডত ছলমান খানে চাইকেলেৰে গৈ থকা অৱস্থাত তেওঁৰ ফটো তুলি থকা সাংবাদিক শ্যামলাল পাণ্ডেৰ পৰা ফোনটো কাঢ়ি লৈ যোৱাৰ অভিযোগ আছে ছলমানৰ বিৰুদ্ধে । আনহাতে ছলমান খানৰ দেহৰক্ষীয়ে আকৌ বিনা অনুমতিত অভিনেতাজনৰ ফটো তুলি থকাৰ বিৰুদ্ধে এটা গোচৰ ৰুজু কৰিছিল ৷ সাংবাদিক শ্যামলাল পাণ্ডেয়ে এই অভিযোগৰ সন্দৰ্ভত কৈছিল যে, তেওঁ অনুমতি লৈহে এই ফটো তুলিছিল ৷
লগতে পঢ়ক: গ্ৰেমীৰ মঞ্চত প্ৰথমবাৰলৈ পাকিস্তানী গায়িকা আৰুজ আফতাবৰ বঁটা লাভ
