চিটাৰা ডেস্ক, ২৮ ডিচেম্বৰ: প্ৰভাস অভিনীত ছবি ‘ছালাৰ: পাৰ্ট ১ - ছিজফাইয়াৰ’ ২২ ডিচেম্বৰত ছবিগৃহত মুক্তি লাভ কৰিছে ৷ ছবিখন মুক্তিৰ পিচতে বক্স অফিচত ভংগ কৰিছে বহু অভিলেখ । মুক্তিৰ প্ৰথম দিনাৰ পৰাই এই ছবিখনে দৰ্শকৰ পৰা যথেষ্ট সঁহাৰি লাভ কৰিছে আৰু ইয়াৰ সমান্তৰালকৈ ‘ছালাৰ’এ বক্স অফিচতো ব্যাপক ধন উপাৰ্জন কৰিবলৈও সক্ষম হৈছে । আনকি সপ্তাহৰ বাকী দিনকেইটাতো এই ছবিখনে ভাল প্ৰদৰ্শন কৰিছে । গতিকে জানো আহক ‘ছালাৰ’ মুক্তিৰ ষষ্ঠ দিনটোত ছবিখনে কিমান কোটি টকা উপাৰ্জন কৰিছে ?
ষষ্ঠ দিনটোত ‘ছালাৰ’এ কিমান কোটি টকা উপাৰ্জন কৰিলে ?
‘ছালাৰ’ প্ৰভাসৰ কামবেক ছবি হিচাপে পৰিগণিত হৈছে । ইয়াৰ পূৰ্বে অভিনেতাগৰাকীৰ বহু ছবি বেক টু বেক ফ্লপ হৈছিল যদিও ‘ছালাৰ’ৰ মুকলিৰ লগে লগে উপাৰ্জনৰ অভিলেখ গঢ়িবলৈ সক্ষম হয় আৰু ছবিখনৰ উপাৰ্জনৰ ধাৰা এতিয়াও অব্যাহত আছে । এই ক্ৰাইম থ্ৰিলাৰ ছবিখনে দৰ্শকৰ হৃদয় জয় কৰিছে আৰু ইয়াৰ লগে লগে ‘ছালাৰ’এ কেৱল উইকেণ্ডতে নহয় সপ্তাহৰ বাকী দিনকেইটাতো ভাল ব্যৱসায় কৰি আছে । ছবিখনৰ উপাৰ্জনৰ কথা ক’বলৈ গ’লে মুক্তিৰ প্ৰথম দিনাই ৯০.৭ কোটি, দ্বিতীয় দিনা ৫৬.৩৫ কোটি, তৃতীয় দিনা ৬২.০৫ কোটি, চতুৰ্থ দিনত ৪৬.৩ কোটি আৰু পঞ্চম দিনা ২৪.৯ কোটি টকা সংগ্ৰহ কৰিছে । এতিয়া ছবিখনৰ ষষ্ঠ দিন অৰ্থাৎ বুধবাৰৰ ছবিখনৰ উপাৰ্জনৰ সংখ্যা পোহৰলৈ আহিছে ।
- Sacknilk ৰ ৰিপ’ৰ্ট অনুসৰি ‘ছালাৰ’ মুক্তিৰ ষষ্ঠ দিন অৰ্থাৎ বুধবাৰে ১৭ কোটি টকা সংগ্ৰহ কৰিছে ।
- ইয়াৰ লগে লগে ‘ছালাৰ’ৰ ৬ দিনৰ মুঠ উপাৰ্জন হৈছেগৈ ২৯৭.৪০ কোটি টকা ।
বিশ্বজুৰি ‘ছালাৰ’এ কিমান কোটি টকা উপাৰ্জন কৰিছিল ?
‘ছালাৰ’ৰ জনপ্ৰিয়তা কেৱল দেশতে নহয় বিদেশতো দেখা গৈছে, এই ছবিখনে বিশ্বজুৰি বক্স অফিচত আলোড়নৰ সৃষ্টি কৰিছে । বিশ্বজুৰি ছবিখনৰ উপাৰ্জনৰ কথা ক’বলৈ গ’লে, মুক্তিৰ পাঁচ দিনত বিশ্বজুৰি ৫০০ কোটি টকাৰ সীমা অতিক্ৰম কৰিছে ছবিখনে ।
'ছালাৰ'ৰ ষ্টাৰকাষ্ট
'ছালাৰ' পৰিচালনা কৰিছে কে জি এফ খ্যাত প্ৰশান্ত নীলে । প্ৰভাসৰ উপৰিও পৃথ্বীৰাজ সুকুমাৰন, শ্ৰুতি হাছান, আনন্দ, শ্ৰিয়া ৰেড্ডী, ইশ্বৰী ৰাও আৰু জগপতি বাবু ৰেড্ডীয়ে অভিনয় কৰিছে ছবিখনত ৷
লগতে পঢ়ক: দৈনিক ছালাৰে গঢ়িছে নতুন নতুন অভিলেখ
