চিটাৰা ডেস্ক, 8 এপ্ৰিল: ৰাম চৰণ আৰু জুনিয়ৰ এন টি আৰক লগ পাই আনন্দত মতলীয়া হৈ পৰিল ৰাখী সাৱন্ত ৷ আৰ আৰ আৰ সফলতাৰ পাৰ্টীত দুয়ো জনপ্ৰিয় তাৰকাৰে সৈতে মত বিনিময় কৰে ৰাখী সাৱন্তে ৷ নিজৰ ইনষ্টাগ্ৰামত ৰাখীয়ে শ্বেয়াৰ কৰা ভিডিঅ’টো এতিয়া ভাইৰেল হৈ পৰিছে সামাজিক মাধ্যমত (RRR success party video) ৷
- " class="align-text-top noRightClick twitterSection" data="
">
মুম্বাইত ৰখা হৈছিল আৰ আৰ আৰ সফলতাৰ পাৰ্টী (RRR success party in Mumbai) ৷ বহু ৰথী মহাৰথী তাৰকাৰ সমাহাৰেৰে অনুষ্ঠিত হৈছিল এই পাৰ্টী ৷ কৰণ জোহৰৰ পৰা আৰম্ভ কৰি আয়ান মুখাৰ্জীলৈকে বিখ্যাত তাৰকাৰ সমাগম হৈছিল অনুষ্ঠানটোত ৷
পাৰ্টী চলি থকাৰ মাজতে ৰাখীয়ে ছবিখনক লৈ দুয়োৰে আগত প্ৰকাশ কৰিলে নিজৰ মত ৷ অভিনেত্ৰী গৰাকীয়ে ধন্যবাদ জনাই জনপ্ৰিয় অভিনেতা দ্বয়ক ৷
অতিকে উৎসুক হৈ পৰা ৰাখীয়ে ৰাম চৰণক নাটু নাটু শীৰ্ষক গানটোত নাচিবলৈয়ো প্ৰস্তাৱ দিয়ে, কিন্তু জন সমাগমৰ মাজত থকা ৰামে অতি নম্ৰতাৰে না কৰে ৰাখীৰ এই প্ৰস্তাৱ ৷
শ-শ মানুহে আৱৰি ৰখা জুনিয়ৰ এন টি আৰেও প’জ দিলে ৰাখীৰ ভিডিঅ’ৰ বাবে ৷ দক্ষিণৰ শ্ৰেষ্ঠ তাৰকা জনৰ এই ব্যৱহাৰে এতিয়া দৃষ্টি কাঢ়িছে নেটিজেনৰ ৷ পিছে, প্ৰযোজক-পৰিচালক কৰণ জোহৰে একোৱে সঁহাৰি নজনালে ৰাখীৰ সম্বোধনত ৷ ৰাখীৰ প্ৰতি কৰণৰ এই উপেক্ষা বুজিব পৰা নাই সামাজিক মাধ্যম ব্যৱহাৰকাৰী সকলে ৷
লগতে পঢ়ক: Shruti Haasan Assam visit: ৰঙালী বিহু উদযাপন কৰিবলৈ অসমলৈ আহিব শ্ৰুতি হাছান
