চিটাৰা ডেস্ক, 8 আগষ্ট: দক্ষিণৰ ছুপাৰষ্টাৰ আল্লু অৰ্জুনৰ অনুৰাগী কেৱল দেশতেই নহয় বিদেশতো আছে ৷ ২০২১ চনত মুক্তি পোৱা ‘পুষ্পা-দ্য ৰাইজ’ ছবিখনে অনুৰাগীৰ মাজত সৃষ্টি কৰিছিল আলোড়নৰ ৷ বক্স অফিচতো ছবিখনে অভিলেখ গঢ়িছিল ৷ এই ছবিখনত আল্লু অৰ্জুনৰ হৈতে দেখা গৈছিল ৰশ্মিকা মান্দান্নাক ।
এই ছবিখনৰ সফল ব্যৱসায়ৰ পিচত নিৰ্মাতাসকলে পুষ্পা-দ্য ৰুল 2 ৰ ঘোষণা কৰিছিল ৷ পুষ্পা 2 ৰ পৰা চাউথ ষ্টাৰ আল্লু অৰ্জুনৰ প্ৰথম লুক এপ্ৰিল মাহত তেওঁৰ জন্মদিনত মুক্তি পাইছিল । এতিয়া পুষ্পৰাজৰ আটাইতকৈ ডাঙৰ ভিলেইন অৰ্থাৎ ফাহাদ ফাচিলৰ প্ৰথম লুক মুক্তি পাইছে ।
পুষ্পা ২ ৰ পৰা ফাহাদ ফাচিলৰ ফাৰ্ষ্ট লুক
৮ আগষ্টত অৰ্থাৎ আজি ফাহাদ ফাছিলে উদযাপন কৰিছে ৪১ সংখ্যক জন্মদিন । জন্মদিনৰ এই বিশেষ ক্ষণত ছবিখনৰ পৰা প্ৰথম লুক মুকলি কৰি মেকাৰে তেওঁক আটাইতকৈ ডাঙৰ উপহাৰ প্ৰদান কৰে । পুষ্পা - দ্য ৰাইজৰ অংশও আছিল ফাহাদ , য’ত তেওঁ আৰক্ষী বিষয়া ভঁৱৰ সিং শ্বেখাৱতৰ চৰিত্ৰত অভিনয় কৰিছিল ।
তেওঁৰ চৰিত্ৰটোৱে পুষ্পাৰ প্ৰথম খণ্ডত অনুৰাগীৰ পৰা যথেষ্ট সঁহাৰি লাভ কৰিছিল । এতিয়া পুষ্পা-২ ৰ পৰা আই পি এছ বিষয়া ভঁৱৰ সিং শ্বেখাৱত ওৰফে ফাহাদ ফাচিলৰ লুক মুকলি হৈছে । তেওঁৰ প্ৰথম পোষ্টাৰত তেওঁক ধূমপান কৰা দেখুৱাইছে। অনুৰাগীসকলে ফাহাদ ফাছিলৰ এই ৰূপত যথেষ্ট মৰম দিয়া পৰিলক্ষিত হয় ৷
পুষ্পা-২ৰ দলটোৱে এনেদৰে জন্মদিনৰ শুভেচ্ছা জনালে ফাহাদক
পুষ্পা ২ৰ নিৰ্মাতাসকলে তেওঁলোকৰ অফিচিয়েল টুইটাৰ একাউণ্টত ফাহাদ ফাচিলৰ এই পোষ্টাৰ শ্বেয়াৰ কৰি লিখিছে, "পুষ্পা ২ - দ্য ৰুলৰ সমগ্ৰ দলটোৱে বহু প্ৰতিভাশালী অভিনেতা ফাহাদ ফাচিলক জন্মদিনৰ আন্তৰিক শুভেচ্ছা জ্ঞাপন কৰিছে ।"
উল্লেখ্য যে, আল্লু অৰ্জুন আৰু ৰশ্মিকাৰ অভিনীত ছবি পুষ্পা-২ ২০২৪ চনত ছবিগৃহত মুক্তি পাব । সুকুমাৰৰ পৰিচালনাত নিৰ্মিত এই ছবিখনৰ বহু শ্বুটিং এতিয়াও বাকী আছে ।
লগতে পঢ়ক: OMG 2: অক্ষয় কুমাৰৰ OMG 2 চাই প্ৰতিক্ৰিয়া প্ৰকাশ কৰিলে সদগুৰুৱে, প্ৰত্যুত্তৰত কি ক’লে অভিনেতাজনে
