চিটাৰা ডেস্ক, 10 অক্টোবৰ : ফোন ভূত ট্ৰেইলাৰটো চাই অনুমান কৰিব পাৰি যে ছবিখনত নিৰ্মাতাই সমান পৰিমাণৰ ভয় লগা ভাৱানুভূতিৰ লগতে আৰু হাঁহিৰ খোৰাক দিবলৈ চেষ্টা কৰিছে (Phone Bhoot trailer) । কেটৰিণা কাইফ, ঈশান খট্টৰ আৰু সিদ্ধান্ত চতুৰ্বেদী অভিনীত চলচ্চিত্ৰখনত সংমিশ্ৰণ ঘটিছে ভৌতিক আৰু কৌতুক ভাৱৰ ৷ ছবিখন গুৰম্মীত সিঙে পৰিচালনা কৰিছে, যি অতি জনপ্ৰিয় ৱেব চিৰিজ মিৰ্জাপুৰত তেওঁৰ কামৰ বাবে জনাজাত ।
ঈশান আৰু সিদ্ধান্তে তেওঁলোকৰ আহিবলগীয়া ভৌতিক-কৌতুক ছবি ফোন ভূতত দৰ্শকসকলক কেটৰিণাৰ সৈতে আমোদ দিব । ট্ৰেইলাৰটো চাই চলচ্চিত্ৰখনক এক প্ৰকাৰৰ Ghostbusters ৰ ভাৰতীয় সংস্কৰণ হিচাপে আখ্যা দিব পাৰি । 37 বছৰীয়া কেটৰিণাক প্ৰথমবাৰৰ বাবে 25 বছৰীয়া ঈশান আৰু 27 বছৰীয়া সিদ্ধান্তৰ সৈতে দেখিবলৈ পোৱা যাব ।
- " class="align-text-top noRightClick twitterSection" data="
">
ৰবি শংকৰণ আৰু জছবিন্দৰ সিং বাথে কাহিনী লিখিছে ছবিখনৰ ৷ বিকী কৌশলৰ সৈতে বিবাহৰ পিছত কেটৰিণাৰ এইখন প্ৰথম ছবি (Katrina new movie) । ৰীতেশ সিধৱানী আৰু ফাৰহান আখটাৰৰ মালিকানাধীন এক্সেল এণ্টাৰটেইনমেণ্টৰ দ্বাৰা প্ৰযোজিত ফোন ভূত 2022 চনৰ 4 নৱেম্বৰত মুকলি পাবলৈ সাজু হৈছে । ফোন ভূত অৰ্জুন কাপুৰৰ আহিবলগীয়া ডাৰ্ক কমেডি ছবি কুট্টেৰ সৈতে বক্স অফিচত সংঘৰ্ষৰ সন্মুখীন হ'ব ।
লগতে পঢ়ক : ক্ৰিকেটাৰ ঋষভ পাণ্টৰ পিছে পিছে উৰ্ৱশী ৰৌতেলা,ঋষভ য’ত উৰ্ৱশী ত’ত
