চিটাৰা ডেস্ক, 19 এপ্ৰিল: কিংবদন্তি অভিনেতা ইৰফান খানৰ কথা হয়তো সকলোৰে মনত আছে ৷ ২০২০ চনৰ ২৯ এপ্ৰিলত লাখ লাখ অনুৰাগীক কন্দুৱাই এই পৃথিৱীৰ পৰা গুচি গৈছিল অভিনেতাগৰাকী (Late actor Irrfan Khan) ৷ বহু ছবিত নিজৰ উৎকৃষ্ট অভিনয়ৰে সকলোৰে হৃদয় জয় কৰিবলৈ সক্ষম হৈছিল ইৰফান খানে ৷ বহু হিট ছবিও উপহাৰ দিছিল অভিনেতাগৰাকীয়ে ৷ কিন্তু নিয়তিৰ লেখা কোনে নো মচিব পাৰে ৷ অৱশ্যে অভিনেতাগৰাকীৰ অনুৰাগীৰ বাবে এটা সু খবৰ ৷
মৃত্যুৰ পিচত আকৌ এবাৰ ৰূপালী পৰ্দাত দেখা পোৱা যাব অভিনেতাগৰাকীক ৷ ডাঙৰ পৰ্দাত অভিনেতাগৰাকীৰ আইকনিক অভিনয়ক আকৌ এবাৰ প্ৰত্যক্ষ কৰাৰ সপোন সম্ভৱ হ’ব অনুৰাগীৰ (Bollywood actor irrfan khan) । অভিনেতাগৰাকীৰ তৃতীয় মৃত্যু বাৰ্ষিকীৰ পূৰ্বে ২৮ এপ্ৰিলত ছবিগৃহত মুক্তি পাব অভিনেতাগৰাকীৰ শেষৰখন ছবি The Song of Scorpions ।
ইৰফানৰ পুত্ৰ বাবিলে মঙলবাৰে নিজৰ ইনষ্টাগ্ৰাম একাউন্টত এই খবৰটো বিশ্ববাসীৰ সৈতে শ্বেয়াৰ কৰিছে ৷ বাবিলে এখন পোষ্টাৰ শ্বেয়াৰ কৰি লিখিছে, ‘প্ৰেম, প্ৰতাৰণা আৰু এটা গীত #TheSongsofScorpionS Trailer Releasing Tomorrow।’
- " class="align-text-top noRightClick twitterSection" data="
">
এই ছবিখনত প্ৰবীণ অভিনেত্ৰী ৱাহিদা ৰেহমান আৰু গোলশ্বিতেহ ফাৰাহানীয়েও গুৰুত্বপূৰ্ণ চৰিত্ৰত অভিনয় কৰিছে ৷ এই ছবিখনৰ প্ৰযোজক জীছান আহমেদে কয়, "এইটো মোৰ সন্মান যে মোৰ নাম এই ছবিখনৰ সৈতে সহ-প্ৰযোজক আৰু ছবিখনৰ অন্যতম উপস্থাপক হিচাপে জড়িত হৈ আছে । আমি আনন্দিত যে ইৰফান খানৰ শেষৰটো ছবিত অনস্ক্ৰীণত অভিনয় অতি সোনকালে সমগ্ৰ দেশৰ ছবিগৃহত মুক্তি পাব আৰু তেওঁৰ অনুৰাগীসকলে তেওঁক শেষবাৰৰ বাবে ডাঙৰ পৰ্দাত চাবলৈ পাব । বিশ্বাস কৰক, ছবিখনত ইৰফানৰ চৰিত্ৰ আৰু অভিনয়ে আপোনাক মন্ত্ৰমুগ্ধ কৰি তুলিব ।”
ছবিৰ কাহিনীভাগ হৈছে এগৰাকী জনজাতীয় মহিলা নুৰানৰ ওপৰত, যিয়ে নিৰ্বিকাৰ আৰু প্ৰত্যাহ্বানমূলকভাৱে স্বাধীন আৰু আইতাকৰ পৰা শিকিছে নিৰাময়ৰ প্ৰাচীন কলা লগতে এগৰাকী কণ্ঠশিল্পী । ৰাজস্থানৰ মৰুভূমিৰ উটৰ ব্যৱসায়ী আদমে যেতিয়া নুৰানৰ গীত শুনি থাকে, তেতিয়া নুৰানৰ প্ৰেমত পৰে (Irrfan khans last film song of scorpions) । কিন্তু ইগৰাকীয়ে সিগৰাকীক ভালদৰে চিনি পোৱাৰ পূৰ্বেই নুৰানক এক নিষ্ঠুৰ বিশ্বাসঘাতকতাই বিষাক্ত কৰি তোলে, যিয়ে নুৰানক প্ৰতিশোধ ল’বলৈ আৰু নিজৰ গীতটি বিচাৰি উলিয়াবলৈ এক যাত্ৰা আৰম্ভ কৰে (Song of scorpions release date)।
ছুইজাৰলেণ্ডৰ লোকাৰ্নো চলচ্চিত্ৰ মহোৎসৱত প্ৰিমিয়াৰ হৈছিল দ্য ছং অৱ স্কৰ্পিয়নছ ছবিখন । ছবিখন পৰিচালনা কৰিছে অনুপ সিঙে । ১৯ এপ্ৰিলত মুক্তি লাভ কৰিব ছবিখনৰ ট্ৰেইলাৰ। (ANI)
লগতে পঢ়ক: Badshah controversy: বাদশ্বাহৰ বিতৰ্কিত গীত; শীঘ্ৰেই ক্ষমা খোজক অন্যথা দাখিল কৰা হ’ব এফআইআৰ-শিৱ ভক্ত
