চিটাৰা ডেস্ক, 20 জুলাই : অৱশেষত মুখ খুলিলে কৰীণা কাপুৰ খানে ৷ সাধাৰণতেই নেতিবাচকতাৰ পৰা আঁতৰি থকা কৰীণাইয়ো এইবাৰ দিলে নেটিজেনক ৰিপ্লাই (Kareena Kapoor news today) ৷ ইউৰোপত ছৈফ, টাইমুৰ আৰু জেহৰ সৈতে বন্ধৰ দিন উদযাপন কৰি থকা কৰীণাক লৈ অকস্মাতে ছ’চিয়েল মিডিয়াত বাতৰি বিয়পি পৰিল যে অভিনেত্ৰী গৰাকী পুনৰ মা হ’বলৈ ওলাইছে ৷ তেওঁলোকৰ ভ্ৰমণৰ এখন ফটোত বেবী বাম্প লৈ থকা যেন দেখা গৈছিল কৰীণাক ৷ তাৰ পৰাই ধুমুহাৰ সৃষ্টি হয় ইণ্টাৰনেটত ৷
এই উৰাবাতৰি নসাৎ কৰি কৰীণাই ইনষ্টাগ্ৰামত এটা হাস্যকৰ টোকা আপলোড কৰে (Kareena Kapoor khan instagram) । "ছৈফে তেওঁ ইতিমধ্যে আমাৰ দেশৰ জনসংখ্যালৈ বহুত বেছি অৱদান আগবঢ়াইছে", এইবুলি উল্লেখ আছিল টোকাটোত (Kareena Kapoor khan latest news)।
২০১২ চনৰ ১৬ অক্টোবৰত ছৈফ আৰু কৰীণা বিবাহপাশত আৱদ্ধ হৈছিল । পৰিয়ালৰ সকলো ঘনিষ্ঠ সদস্যৰ উপস্থিতিত এক অন্তৰংগ অনুষ্ঠানত এই বিবাহ সম্পন্ন হৈছিল । ২০১৬ চনত প্ৰথম পুত্ৰ টাইমুৰ আলী খানক আদৰণি জনোৱাৰ পিছত ২০২১ চনৰ ফেব্ৰুৱাৰী মাহত তেওঁলোকৰ দ্বিতীয় পুত্ৰ জাহাংগীৰ আলী খানৰ জন্ম হয় ।
ছৈফ পূৰ্বে অমৃতা সিঙৰ সৈতে বিবাহপাশত আবদ্ধ হৈছিল যদিও ২০০৪ চনত ১৩ বছৰীয়া সম্পৰ্কৰ অন্ত পেলাইছিল । আনহাতে কৰীণাইয়ো বিয়াৰ পূৰ্বে কেইবাজনো অভিনেতাক ডেট কৰিছিল ৷
লগতে পঢ়ক: বলীউডক অন্য এক মাত্ৰা দিয়া নাছিৰুদ্দিন শ্বাহৰ আজি ওপজা দিন
