চিটাৰা ডেস্ক, 14 নৱেম্বৰ: ছুজান খানৰ সৈতে বিবাহ বিচ্ছেদ হোৱাৰ পিচতে হৃত্বিক ৰোশনৰ জীৱনত প্ৰৱেশ কৰিছিল ছাবা আজাদে । ইয়াৰ পিচতে প্ৰায়ে কিবা নহয় কিবা কাৰণত বাতৰিৰ শিৰোনাম দখল কৰে হৃত্বিক ৰোশন আৰু ছাবা আজাদে । প্ৰায়ে দুয়োকে অনুষ্ঠান-প্ৰতিষ্ঠান, বিমানবন্দৰত একেলগে দেখা যায় ৷ বহুদিনৰ পৰা ডেট কৰি আছে ছাবা আৰু হৃত্বিকে । দুয়োগৰাকীয়ে প্ৰায়ে ছ’চিয়েল মিডিয়াতো নিজৰ মৰমলগা ফটো শ্বেয়াৰ কৰে । ইফালে হৃত্বিকে এইবাৰ নিজৰ লেডী লাভৰ সৈতে উদযাপন কৰিছে পোহৰৰ উৎসৱ দীপাৱলী । শেহতীয়াকৈ অভিনেতাগৰাকীয়ে নিজৰ ছ’চিয়েল মিডিয়াত শ্বেয়াৰ কৰিছে দীপাৱলী উদযাপনৰ ছবি ।
লেডী লাভ ছাবাৰ হাতে হাত ধৰি দীপাৱলী উদযাপন কৰিলে হৃত্বিক ৰোশনে
হৃত্বিক ৰোশনে পৰিয়ালবৰ্গ আৰু প্ৰেমিকা ছাবা আজাদৰ সৈতে দীপাৱলী উৎসৱ উদযাপন কৰিছে । নিজৰ ইনষ্টাগ্ৰাম হেণ্ডেলত এই উৎসৱৰ ফটো শ্বেয়াৰ কৰি হৃত্বিকে লিখিছে, ‘‘হেপি দীপাৱলী ধুনীয়া মানুহ ।’’ ছবিবোৰত হৃত্বিক আৰু ছাবাক হাত ধৰি বহি হাঁহি থকা দেখা গৈছে । এই সময়চোৱাত ক’লা কুৰ্তাত হেণ্ডচাম দেখা গৈছে হৃত্বিক ৰোশনক । ৰঙা ৰঙৰ লেহেংগা সেউজীয়া ৰঙৰ ব্লাউজৰ সৈতে যোৰ কৰা সাজত ছাবাকো বৰ ধুনীয়া দেখা গৈছিল । ছবিখনত হৃত্বিকৰ পিতৃ-মাতৃ ৰাকেশ আৰু পিংকি আৰু অভিনেতাজনৰ ভগ্নী পশ্মিনাকো দেখা গৈছে ।
যোৱা বছৰ তেওঁলোকৰ সম্পৰ্ক নিশ্চিত কৰিছিল হৃত্বিক -ছাবাই
উল্লেখ্য যে, যোৱা বছৰ কৰণ জোহৰৰ ৫০ সংখ্যক জন্মদিনৰ পাৰ্টিত হৃত্বিক ৰোশন আৰু ছাবা আজাদে নিজৰ সম্পৰ্ক ৰাজহুৱা কৰিছিল । পাপাৰাজীৰ সন্মুখত পোজ দিয়াৰ সময়ত দুয়োগৰাকীয়ে ইগৰাকীয়ে সিগৰাকীৰ হাতে হাত ধৰি থকা দেখা গৈছিল । তেতিয়াৰে পৰা দুয়োগৰাকীয়ে ইগৰাকীয়ে সিগৰাকীৰ প্ৰতি থকা প্ৰেম প্ৰকাশ কৰিবলৈ কুণ্ঠাবোধ নকৰে ।
হৃত্বিক ৰোশনৰ ৱৰ্কফ্ৰন্ট
হৃত্বিক ৰোশনৰ ৱৰ্ক ফ্ৰণ্টৰ কথা ক’বলৈ গ’লে শেহতীয়াকৈ অভিনেতাগৰাকীয়ে ছলমান খান-কেটৰিণা কাইফৰ অভিনীত ছবি টাইগাৰ ৩ত তেওঁৰ ছবি ৱাৰত ৰূপায়িত কবীৰ সিঙৰ চৰিত্ৰত কেমিঅ’ কৰা দেখা গৈছিল । এতিয়া অতি সোনকালেই দীপিকা পাডুকনৰ সৈতে ‘ফাইটাৰ’ ছবিখনত দেখা যাব হৃত্বিকক । অহা বছৰ ছবিগৃহত মুক্তি পাব এই ছবিখন ।
লগতে পঢ়ক: Parineeti Chopra's Diwali Pics: স্বামী ৰাঘৱ চাড্ডাৰ সৈতে প্ৰথম দীপাৱলী উদযাপন কৰিলে পৰিণীতিয়ে
