চিটাৰা ডেস্ক, 29 ছেপ্টেম্বৰ: বৃহস্পতিবাৰে বলীউডৰ হাৰ্টথ্ৰব ৰণবীৰ কাপুৰে সম্পূৰ্ণ কৰিলে ৪১ বছৰ । ছ’চিয়েল মিডিয়াত অনুৰাগীৰ পৰা চেলিব্ৰিটিলৈকে সকলোৱে অভিনেতাগৰাকীক জন্মদিনৰ শুভেচ্ছা জ্ঞাপন কৰে ৷ ইফালে এই বিশেষ দিনটোত অভিনেতাগৰাকীয়েও নিজৰ অনুৰাগীৰ বাবে কিছু সময় উলিয়াবলৈ সক্ষম হয় । জন্মদিনত নিজৰ প্ৰিয় অভিনেতাগৰাকীক এবাৰ কাষৰ পৰা পাবলৈ অনুৰাগীয়ে ৰণবীৰৰ ঘৰৰ বাহিৰত সমবেত হয় ৷
ইনষ্টাগ্ৰামত এটা পাপাৰাজী একাউণ্টে পোষ্ট কৰা এটা ভিডিঅ’ত দেখা গৈছে যে নিজৰ প্ৰিয় তাৰকাৰ বিশেষ দিনটো উদযাপন কৰিবলৈ ৰণবীৰৰ কিছুমান অনুৰাগী আৰু পাপাৰাজী তেওঁৰ বাসগৃহৰ বাহিৰত কেক লৈ গোট খাই । তাৰকাগৰাকীয়েও অনুৰাগীৰ বাবে বাসগৃহৰ পৰা ওলাই আহি সম্ভাষণ জনোৱাৰ লগতে তেওঁলোকৰ সৈতে জন্মদিনৰ কেক কাটি নিজৰ বিশেষ দিনটো উদযাপন কৰে ৷
ইফালে ৰণবীৰে দুই এজন অনুৰাগীৰ লগত মত বিনিময় কৰাও দেখা যায় আৰু তেওঁলোকৰ সৈতে ছেল্ফীও তুলিছিল । এই সময়চোৱাত নীলা জিন্সৰ সৈতে যোৰ কৰা ধূসৰ ৰঙৰ হুডি পৰিধান কৰিছিল ৰণবীৰে । বগা কেপ এটাৰ সৈতে নিজৰ লুকটো সম্পূৰ্ণ কৰিছিল অভিনেতাগৰাকীয়ে ।
ইয়াৰ পূৰ্বে ৰণবীৰৰ পত্নী তথা অভিনেত্ৰী আলিয়া ভাটে তেওঁৰ বিশেষ দিনটোত বহুকেইখন অদৃশ্য ফটো শ্বেয়াৰ কৰি জন্মদিনৰ অভিনন্দন জ্ঞাপন কৰিছিল ৷ ফটোবোৰ শ্বেয়াৰ কৰি আলিয়াই কেপচনত লিখিছিল, "মোৰ প্ৰেম.. মোৰ বেষ্ট ফ্ৰেণ্ড.. মোৰ আটাইতকৈ সুখৰ ঠাই.. মোৰ ঠিক কাষতে বহি থকা আপোনাৰ গোপন একাউণ্টৰ পৰা এই কেপচনটো পঢ়ি থাকোঁতে.. মই মাত্ৰ ক'ব বিচাৰিছো.. জন্মদিনৰ শুভেচ্ছা থাকিল বেবী ৷ ইউ মেক ইট অল মেজিকেল।"
ৰণবীৰৰ জন্মদিনত অভিনেতাগৰাকীক শুভেচ্ছা জনোৱা পৰিয়ালৰ সদস্যসকলৰ ভিতৰত আছিল ৰণবীৰৰ মাতৃ নীতু সিং, ভগ্নী ৰিদ্ধিমা সাহনী আৰু শাহুৱেক ছোনী ৰাজদান ।
ইফালে, ৱৰ্ক ফ্ৰণ্টত ৰণবীৰ কাপুৰক অতি সোনকালেই দেখা যাব সন্দীপ ৰেড্ডী ভাংগাৰ ‘এনিমেল’ ছবিখনত ৷ এই ছবিখনৰ টিজাৰ অভিনেতাগৰাকীৰ জন্মদিনত মুকলি কৰিছিল । ১ ডিচেম্বৰত ছবিগৃহত মুক্তি পাবলগীয়া এই ছবিখনত অভিনয় কৰিছে অনিল কাপুৰ, ববি দেওল আৰু ৰশ্মিকা মান্দান্নাই ৷
