চিটাৰা ডেস্ক, 16 মাৰ্চ: বলীউডৰ ছবি জগতত বহুকেইগৰাকী কৌতুক অভিনেতা আছে , যদিও এই সকলোবোৰতকৈ ব্য়তিক্ৰম এজন কৌতুক অভিনেতা ৷ নিজৰ হাস্যৰসিক অভিনয়ৰে দৰ্শকৰ হৃদয় জয় কৰিবলৈ সক্ষম হৈছিল অভিনেতাগৰাকীয়ে ৷ সকলো ধৰণৰ চৰিত্ৰত প্ৰাণ ঢালি দিছিল অভিনেতাগৰাকীয়ে ৷ ৰূপালী পৰ্দাত নিজৰ অভিনয়ৰে অনুৰাগীসকলক পেটত ধৰি হাঁহিবলৈ বাধ্য কৰোৱাই এই অভিনেতাগৰাকীয়ে । হয়, আমি ক’ব লৈছো সকলোৰে প্ৰিয় ৰাজপাল যাদৱৰ কথা (Rajpal Yadav Birthday Special) ।
- " class="align-text-top noRightClick twitterSection" data="
">
কেতিয়াবা আপুনি ভাবিছেনে যে আমাক পৰ্দাত হাঁহিৰ খোৰাক দিয়া কমেডিয়ানজনৰ বাস্তৱ জীৱন কিমান অন্ধকাৰৰ মাজেৰে পাৰ হৈ গৈছে ? ৰূপালী পৰ্দাত ‘লেডিজ টেইলাৰ’ৰ চৰিত্ৰত অভিনয় কৰি প্ৰশংসা লাভ কৰা ৰাজপালে বাস্তৱ জীৱনতো মানুহৰ কাপোৰ চিলাই কৰিছিল ৷ হয়, পৰিয়ালৰ বাবে দুবেলা দুমুঠি ভাত যোগান ধৰিবলৈ এয়াও কৰিছিলে হাস্যৰসাভিনেতাগৰাকীয়ে। আজি অভিনেতাগৰাকীৰ ৫২ সংখ্যক জন্মদিন (Happy Birthday Rajpal Yadav) ৷ কৌতুক অভিনেতাগৰাকীৰ জন্মদিনত জানো আহক তেওঁৰ জীৱনৰ বহু নজনা কথা ৷
- " class="align-text-top noRightClick twitterSection" data="
">
বেয়া সময়ৰ সৈতে যুঁজি কেনেকৈ পঢ়া-শুনা কৰিছিল ৰাজপালে ?
বিগত তিনিটা দশক ধৰি নিজৰ কৌতুক অভিনয়ৰে ছবিগৃহত নিজৰ আদিপত্য বিস্তাৰ কৰিছিল ৰাজপাল যাদৱে ৷ উত্তৰ প্ৰদেশৰ শ্বাহজাহানপুৰত ১৯৭১ চনৰ ১৬ মাৰ্চত জন্ম হৈছিল অভিনেতাগৰাকীৰ । বৰ্তমানৰ কোটি টকাৰ সম্পত্তিৰ গৰাকী ৰাজপালৰ ঘৰৰ আৰ্থিক অৱস্থা এটা সময়ত অতিকৈয়ে বেয়া আছিল । যদিও অভিনেতাজনৰ পিতৃয়ে ‘মল্লযুঁজ’ত অংশগ্ৰহণ কৰি আন এখন গাঁৱৰ এখন ভাল বিদ্যালয় পঢ়ুৱাইছিল ৰাজপালক । পিতৃৰ আবেগ আৰু ৰাজপাল যাদৱৰ নিষ্ঠাৰ ফলস্বৰূপে সময়ক পৰাস্ত কৰি পঢ়া-শুনা সম্পূৰ্ণ কৰিছিল ৰাজপালে ।
- " class="align-text-top noRightClick twitterSection" data="">
পৰ্দাত ‘লেডিজ টেইলাৰ’ৰ চৰিত্ৰত অভিনয় কৰা ৰাজপাল বাস্তৱতো দৰ্জী আছিল
পঢ়া-শুনা সমাপ্ত কৰি ৰাজপালে পিতৃৰ সহযোগী হোৱাৰ সিদ্ধান্ত লৈছিল ৷ এইখিনিতে উল্লেখ কৰিব লাগিব যে ৰাজপাল পঢ়া-শুনাত অতিকৈ ভাল আছিল ৷ অৱশ্যে, ৰাজপালে পৰিয়ালৰ জীৱিকা উপাৰ্জনৰ বাবে টেইলাৰিঙৰ কামত মনোনিৱেশ কৰে ৷ পৰিয়ালক পোহপাল দিবলৈ অভিনেতাজনে অৰ্ডানেন্স ক্লথ ফেক্টৰীত টেইলাৰিঙৰ এপ্ৰেণ্টিছশ্বিপৰ পাঠ্যক্ৰম লৈ পৰবৰ্তী সময়ত দৰ্জী হৈ পৰে । কিন্তু ৰাজপালে টেইলৰৰ কামত শান্তি বিচাৰি নাপালে ৷ কাৰণ ৰাজপালৰ মন আছিল অভিনয় জগতত মনোনিৱেশ কৰাৰ ৷ এনে পৰিস্থিতিত ৰাজপালে নিজৰ জীৱনটো ঘূৰাই আনিবলৈ ‘একচন ৰিপ্লে’ কৰিছিল আৰু ছবি জগতত ভৰি দিয়াৰ সিদ্ধান্ত লৈছিল ।
- " class="align-text-top noRightClick twitterSection" data="">
মায়ানগৰীত ভৰি দিয়াটো ইমান সহজ নাছিল ৰাজপালৰ বাবে
লক্ষ্ণৌৰ ভাৰতেন্দু নাট্য একাডেমী আৰু দিল্লীৰ নেচনেল স্কুল অৱ ড্ৰামাৰ পৰা ভ্ৰাম্যমাণ আৰু অভিনয়ৰ অধ্যয়ন কৰি অভিনয় জগতখনৰ দিশত প্ৰথম খোজ দিছিল ৰাজপালে । ইয়াৰ পিচত ৰাজপাল পালেগৈ মায়ানগৰী ৷ য’ত কামৰ সন্ধানত অনাই বনাই ঘূৰি ফুৰিছিল ৰাজপাল ৷ আনকি এটা সময়ত অটো ভাড়াও হাতত নাছিল অভিনেতাগৰাকীৰ । কিন্তু কয় নহয় ভাগ্য়ৰ লিখা কোনেও মুচিব নোৱাৰে ৷
বহুতৰে বাবে দুৰ্ভাগ্য বুলি গণ্য হোৱা ছবি জগতখন ৰাজপালৰ বাবে ভাগ্য় বুলি প্ৰমাণিত হয় মায়ানগৰী মুম্বাই ৷ ৰাজপালে নিজেই কৈছিল কঠোৰ পৰিশ্ৰম, নিষ্ঠা আৰু মনত আশাৰ ৰেঙণি লৈ ৰাজপথত ঘূৰি ফুৰা ৰাজপালে কেৰিয়াৰ আৰম্ভ কৰিছিল দূৰদৰ্শনৰ জৰিয়তে ।
অৱশেষত ভাগ্য সলনি হৈছিল ৰাজপালৰ
টিভিৰ জগতখনত ভৰি দিয়া ৰাজপালে নিজকে প্ৰতিষ্ঠা কৰিবলৈ প্ৰথমে সৰু সৰু চৰিত্ৰত অভিনয় কৰিছিল ৰাজপালে ৷ তাৰ পিচতে অতি কম সময়ৰ ভিতৰতে বহুকেইটা কাম পাবলৈ আৰম্ভ কৰিছিল । অৱশ্যে ৰূপালী পৰ্দাত আবিৰ্ভাৱৰ হেঁপাহ আছিল অভিনেতাগৰাকীৰ । অৱশেষত ১৯৯৯ চনৰ ‘দিল ক্যা কাৰে’ ছবিৰ পৰা অভিনেতাগৰাকীৰ আন্তৰিক ইচ্ছাই শান্তি পাইছিল । ছবিখনত সৰু চৰিত্ৰত অভিনয় কৰাৰ পিচত ৰাজপালক বহু ছবিত সৰু সৰু চৰিত্ৰত অভিনয় কৰা দেখা গৈছিল যদিও তথাপিও তেওঁৰ জীৱনত আছিল মাথোঁ ‘ভাগম ভাগ’।
- " class="align-text-top noRightClick twitterSection" data="">
অভিনেতাগৰাকীয়ে ‘জংগল’ ছবিখনত খলনায়ক হৈ বলীউডত ভৰি দিব বিচাৰিছিল যদিও সফলতা লাভ কৰিব নোৱাৰিলে । ৰাজপালৰ ভাগ্য সলনি হয় ‘মালামাল’ আৰু ‘পিয়াৰ টুনে কিয়া কিয়া’ ছবিৰ পৰা । ইয়াৰ পিচত অভিনেতাজনে বহুকেইখন ছবিত কাম কৰিছিল । ‘হুংগামা’, ‘আপনা সপ্না মানি মানি’, ‘ভূল ভুলীয়া’, ‘চুপ চুপ কে’, ‘ফীৰ হেৰা ফেৰী’, ‘ঢোল’, ‘মে’, ‘মেৰী পত্নী আৰু ৱ’, ‘মুঝছে ছাদি কৰোগে’ '. 'গৰম মছলা', 'ভূতনাথ'ৰ দৰে বহু ছবিত নিজৰ অভিনয়ৰে দৰ্শকৰ হৃদয়ত এৰ সুকীয়া স্থান দখল কৰিবলৈ সক্ষম হয় ৷
লগতে পঢ়ক: Shivangi Joshi: হাস্পতালৰ বিচনাৰ পৰা ফটো শ্বেয়াৰ শিৱাংগী ওৰফে নাইৰাৰ, ক’লে বেমাৰৰ কথা
