চিটাৰা ডেস্ক, 1 নৱেম্বৰ: বলীউডৰ অভিনেতা হৃত্বিক ৰোশন প্ৰায়ে নিজৰ ব্যক্তিগত জীৱনৰ বাবে বাতৰিৰ শিৰোনামত থাকে । ইফালে অনুৰাগীয়েও জানিব খোজে অভিনেতাগৰাকীৰ ব্যক্তিগত জীৱনৰ বিষয়ে ৷ হৃত্বিক ৰোশনে তেওঁৰ প্ৰেমিকা ছাবা আজাদৰ বাবে প্ৰায়ে বাতৰিৰ শিৰোনাম দখল কৰে ৷ এইবাৰ আকৌ প্ৰেমিকাৰ বাবে চৰ্চালৈ আহিছে অভিনেতাগৰাকী ৷ আজি ৩৮ সংখ্যক জন্মদিন উদযাপন কৰিছে ছাবা আজাদে । ছাবাৰ জন্মদিনত অভিনেতাগৰাকীয়ে শ্বেয়াৰ কৰিলে শুভেচ্ছা বাৰ্তা ৷ দৰাচলতে হৃত্বিকে ছ’চিয়েল মিডিয়াত ছাবাৰ বাবে এটা বিশেষ পোষ্ট শ্বেয়াৰ কৰিছে । য’ত অভিনেতাগৰাকীয়ে ছাবাক লৈ প্ৰকাশ কৰে নিজৰ মৰম ৷ হৃত্বিকে পোষ্টটোত লিখিছে যে ছাবাৰ লগত ঘৰৰ দৰে অনুভৱ হয় ।
হৃত্বিক ৰোশনে ছাবা আজাদৰ হাতত ধৰি থকা এখন ফটো শ্বেয়াৰ কৰিছে । য’ত দুয়োকে কেজুৱেল লুকত দেখা গৈছে । ছাবাই পৰিধান কৰিছে ক’লা-বগা ষ্ট্ৰাইপড টপ আৰু ধূসৰ ৰঙৰ জগাৰ । আনহাতে হৃত্বিক ক’লা টি-চাৰ্ট আৰু জগাৰ পিন্ধা দেখা গৈছে ।
ছাবাৰ প্ৰেমত বিলীন হ’ল হৃত্বিক
হৃত্বিকে ছাবাৰ বাবে লিখিছে- আমি সকলোৱে সেই ঠাইখন বিচাৰো য’ত আপুনি অংশীদাৰিত্বত প্ৰেৰণা আৰু নিৰাপত্তা অনুভৱ কৰিব পাৰো । ই যথেষ্ট যে একেলগে চিঞৰিব পাৰিব, "হে জীৱন, যিমানখিনি তোমাৰ হাতত আছে সেইখিনি দি দিয়া, দুঃসাহসিক যাত্ৰা আৰম্ভ কৰো !’ আপোনাৰ লগতো একেই অনুভৱ হয় । ঘৰৰ দৰে । য’ৰ পৰা আৰম্ভ হয় দুঃসাহসিক অভিযান । যিকোনো বস্তুতে যাদু সৃষ্টি কৰা । এই কথা মই আপোনাৰ পৰা শিকিছো । আপুনি যিগৰাকী সেইগৰাকী হোৱাৰ বাবে ধন্যবাদ । জন্মদিনৰ শুভেচ্ছা মোৰ প্ৰেম ।’’
উল্লেখ্য যে, ছাবা আৰু হৃত্বিক তেওঁলোকৰ সম্পৰ্কৰ বাবে প্ৰায়ে চৰ্চাত থাকে । হৃত্বিকৰ ঘৰত অনুষ্ঠিত হোৱা যিকোনো অনুষ্ঠানত ছাবাক প্ৰায়ে দেখা যায় । হৃত্বিকৰ পৰিয়ালৰ লগতো ছাবাৰ সম্পৰ্ক ভাল ।
