চিটাৰা ডেস্ক, ১৯ ডিচেম্বৰ: তেজা সাজ্জা অভিনীত তেলুগু চিনেমাৰ ছুপাৰহিৰো ছবি ‘হনুমান’ৰ টিজাৰ মুক্তি পোৱাৰ পিচৰে পৰা অনুৰাগীয়ে ছবিখনৰ বাবে আগ্ৰহেৰে অপেক্ষা কৰি আছিল । ইফালে আজি নিৰ্মাতাই আটাইতকৈ প্ৰত্যাশিত ছবিখনৰ ট্ৰেইলাৰ মুকলি কৰিছে । ছবিখনৰ জোৰদাৰ ট্ৰেইলাৰটো চালে আপোনাৰো গাৰ নোম শিয়ৰি উঠিব । ট্ৰেইলাৰটোত পৌৰাণিক কাহিনী আৰু কাল্পনিক ঘটনাৰ মিশ্ৰণ দেখা গৈছে ।
- " class="align-text-top noRightClick twitterSection" data="">
হনুমানৰ ট্ৰেইলাৰ মুকলি
ট্ৰেইলাৰৰ আৰম্ভণিতে সাগৰৰ অপৰিসীম গভীৰতাত তেজা সাজ্জাক দেখা পোৱা যায় । ইয়াৰ পিচতে হনুমানক বৰ্ণনা কৰা বেকগ্ৰাউণ্ডৰ পৰা এটা মাত শুনা যায় আৰু তাৰ পিচত হনুমানৰ এটা ডাঙৰ মূৰ্তিয়ে গদা ধৰি থকা দেখা যায় ৷ ইয়াৰ পাচত হাবিত নাহৰফুটুকীতকৈ বেছি বেগেৰে দৌৰি থকা দেখা যায় তেজাক ।
ইয়াৰ পিচত তেজাই নিজৰ হাতৰ মুঠি মাটিত লগাই আৰু লগে লগে বতাহত উৰি যায় শত্ৰু । এই সকলোবোৰ দেখি গাঁৱৰ মানুহে হনুমানৰ জয় জয় কৰা আৰম্ভ কৰে । ইয়াৰ পিচত তেজাই হাতত বৃহৎ আকাৰৰ শিল তুলি লয়, যিটো দেখি হতবাক হৈ পৰে গাঁওবাসী । তাৰ পিচত এটা ঘটনা ঘটে আৰু শ্ৰীৰামৰ প্ৰশংসা কৰি থাকোঁতে তেজা ভগৱান হনুমানৰ দৰে শক্তিশালী ৰূপত দেখা দিয়ে । ট্ৰেইলাৰটোত বহু একশ্যন দৃশ্যও আছিল । মুঠতে ছবিখনৰ ট্ৰেইলাৰটো যথেষ্ট আকৰ্ষণীয় আছিল । পটভূমিত থকা সংস্কৃত শ্লোকবোৰে ইয়াক অধিক দৰ্শনীয় কৰি তুলিছে ।
হনুমান কেতিয়া মুক্তি পাব ?
তেজা সাজ্জাৰ উপৰিও বিনয় ৰায়, অমৃতা আয়েৰ, বৰালক্ষ্মী সাৰথ কুমাৰ, ৰাজ দীপক শেট্টী, ভেনেলা কিশোৰকে ধৰি বহু অভিনেতাই গুৰুত্বপূৰ্ণ চৰিত্ৰত অভিনয় কৰিছে ছবিখনত । কাল্পনিক গাঁও অঞ্জণ্ডাৰীৰ আধাৰত নিৰ্মিত ‘হনুমান’ । এই ছবিখন পৰিচালনা কৰিছে প্ৰশান্ত বৰ্মাই । ছবিখন অহা বছৰ অৰ্থাৎ ২০২৪ চনৰ ১২ জানুৱাৰীত সংক্ৰান্তি উপলক্ষে মুক্তি পাব ।
লগতে পঢ়ক: ট্ৰেক্টৰত উঠি ঢোলে-দগৰে ডাংকিৰ প্ৰথম দিনাৰ প্ৰথম শ্ব’ বুক কৰিবলৈ ছবিগৃহত অনুৰাগীৰ ভিৰ
