চিটাৰা ডেস্ক, ১২ ডিচেম্বৰ: এই বছৰত গুগলত কোনে কি বিষয়ত সৰ্বাধিক চাৰ্চ কৰিছে জানিব বিচাৰে নেকি ? হয়, ইতিমধ্যেই গুগলে প্ৰকাশে কৰিছে গুগলত সৰ্বাধিক চাৰ্চ কৰা তালিকা ৷ এই তালিকাত প্ৰকাশ পাইছে এই বছৰটোত গুগলত মানুহে কি কি জানিবলৈ সৰ্বাধিক চাৰ্চ কৰিছে । এই তালিকাত অন্তৰ্ভুক্ত আছে বহু চেলিব্ৰিটিৰ নাম । কিন্তু এইবাৰ এই তালিকাৰ শীৰ্ষস্থান দখল কৰিছে কিয়াৰা আদৱানীয়ে ।
অভিনেত্ৰীগৰাকীৰ বিষয়ে এই বছৰত গুগলত সৰ্বাধিক প্ৰশ্ন কৰা হৈছে ৷ কিয়াৰা আদৱানীৰ বিষয়ে মানুহে গুগলক কি কি প্ৰশ্ন সুধিছিল জানো আহক -
এইখিনিতে উল্লেখ কৰিব লাগিব যে, চলিত বৰ্ষৰ ফেব্ৰুৱাৰী মাহত কিয়াৰা আদৱানীয়ে সিদ্ধাৰ্থ মালহোত্ৰাৰ সৈতে বিবাহপাশত আবদ্ধ হয় । বিবাহৰ পিচতে এই সন্দৰ্ভত গুগলত মানুহে কিয়াৰাৰ বিষয়ে জানিবলৈ উৎসুক হৈ পৰে ৷ কিয়াৰাৰ বিয়াৰ লেহেংগাৰ দামৰ পৰা আৰম্ভ কৰি ৰিচেপচন লুকলৈকে বহু কথা জানিবলৈ গুগলত চাৰ্চ কৰিছে মানুহে । কিয়াৰাই বিয়াত পৰিধান কৰিছিল মনীষ মালহোত্ৰাৰ লেহেংগা । অৱশ্যে ইয়াৰ দাম সন্দৰ্ভত কোনো তথ্য নাই গুগলত ।
কেৱল ইমানেই নহয়, একে সময়তে কিয়াৰাৰ মগলসূত্ৰৰ বিষয়েও গুগলত লাখ লাখ লোকে চাৰ্চ কৰিছে । ইয়াৰ উপৰিও কিয়াৰাৰ বিয়াৰ ৰিচেপচন লুকটোও গুগলত বহুবাৰ চাৰ্চ কৰা হৈছিল । কিয়াৰাই ৰিচেপচনৰ বাবে পৰিধান কৰিছিল ক’লা-বগা গাউন।
ইয়াৰ উপৰিও মানুহে এই দম্পতীৰ বিয়াৰ ফটোও চাৰ্চ কৰিছিল, যিবোৰ সিদ্ধাৰ্থ আৰু কিয়াৰাই নিজেই ইনষ্টাগ্ৰামত শ্বেয়াৰ কৰিছিল । একে সময়তে কিয়াৰাৰ প্ৰাক্তন প্ৰেমিকৰ তালিকাখনো গুগলত চাৰ্চ কৰা হৈছিল ।
উল্লেখ্য যে, শেষবাৰৰ বাবে কাৰ্তিক আৰিয়ানৰ সৈতে ‘সত্যপ্ৰেম কি কথা’ ছবিখনত দেখা গৈছিল কিয়াৰাক । এই ছবিখনক লৈও মানুহে গুগলক বহু প্ৰশ্ন কৰিছিল । মুঠৰ ওপৰত এইবাৰ কিয়াৰা আদৱানীয়ে গুগলত আধিপত্য বিস্তাৰ কৰিছে ।
লগতে পঢ়ক: ৰজনীকান্তৰ মুঠ সম্পত্তিৰ মূল্য জানিলে হতবাক হ’ব আপুনি
