চিটাৰা ডেস্ক, 10 মাৰ্চ: বলীউডৰ মোহময়ী অভিনেত্ৰী দীপিকা পাডুকনে অস্কাৰত উপস্থিত হোৱাৰ উদ্দেশ্যে শুকুৰবাৰে পুৱাই মুম্বাইৰ পৰা উৰা মাৰে আমেৰিকালৈ । আমেৰিকালৈ উৰা মৰাৰ পূৰ্বে অভিনেত্ৰীগৰাকীৰ সৈতে দেখা পোৱা যায় স্বামী ৰণবীৰ সিঙক ৷ পত্নী দীপিকা পাডুকনত বিমানবন্দৰলৈ আগুৱাই দিব আহিছিল ৰণবীৰ সিং (Deepika Padukone jets off to LA for Oscars 2023) ৷
দীপিকাই টেক অফ কৰাৰ পূৰ্বে পাপাৰাজীৰ সন্মুখত প’জ দিয়া দেখা যায় ৷ গীক-চিক ষ্টাইল লুকত ৰক কৰা দেখা পোৱা যায় দীপিকাক (Deepika Padukone jets off to LA) । অভিনেত্ৰীগৰাকীয়ে হাঁহিৰে সকলোকে বিদায় জনায় ৷ এজন কেমেৰাপাৰ্চনে অভিনেত্ৰীগৰাকীক প্ৰশংসা কৰি কয় যে দীপিকা জীক মৰমলগা দেখা গৈছে।
- " class="align-text-top noRightClick twitterSection" data="
">
উল্লেখ্যে যে, একাডেমী বঁটা প্ৰদান অনুষ্ঠানত উপস্থিত থকা বহু বিখ্যাত তাৰকাৰ ভিতৰত অন্যতম হ’ব দীপিকা । পেড্ৰ’ পাস্কেল, কেট হাডছন, হেৰিছন ফৰ্ড, হেলি বেৰী, পল ডানো, কাৰা ডেলিভিং, মিণ্ডী কালিং, ইভা লংগ’ৰিয়া, জুলিয়া লুই-ড্ৰেইফাছ, এণ্ডি মেকড’ৱেল, এলিজাবেথ অলচেন, জন ট্ৰেভল্টা আদি বহু হলিউডৰ তাৰকাৰ সৈতে যোগদান কৰিব দীপিকা ৷
অস্কাৰত ড্ৱেইন জনছন, আৰিয়ানা ডিব’জ, জনাথন মেজৰ, এণ্ড্ৰু গাৰ্ফিল্ড, ফ্ল’ৰেন্স পুগ, হেলি বেইলীৰ দৰে উপস্থাপকৰ সৈতে যোগ দিব ভাৰতীয় অভিনেত্ৰী দীপিকাই । এণ্টনিঅ’ বাণ্ডেৰাছ, এলিজাবেথ বেংকছ, জেচিকা চেষ্টেইন, জন চ’, হিউ গ্ৰাণ্ট, ডানাই গুৰিৰা, ছালমা হায়েক পিনাল্ট, নিকোল কিডমেন, ছিগ’ৰ্নি ৱেভাৰ, ৰিজ আহমেদ, এমিলি ব্লাণ্ট, গ্লেন ক্ল’জ, জেনিফাৰ কনেলি, চেমুৱেল এল জেকচন, মাইকেল বি জৰ্ডান, ট্ৰয় কোটছুৰ, মেলিছা মেককাৰ্থী, জেনেল মনা, কুৱেষ্টলভ, জো ছালডানা আৰু ডনি য়েনে উপস্থাপকৰে সম্পূৰ্ণ হয় অস্কাৰৰ উপস্থাপকৰ তালিকা ৷
প্ৰথমবাৰৰ বাবে অস্কাৰ বঁটাত অংশগ্ৰহণ কৰাৰ লগতে বঁটা প্ৰদৰ্শনীত উপস্থিত থাকিব দীপিকা । অস্কাৰ অনুষ্ঠিত হোৱাৰ পূৰ্বে অনুশীলন ৰাউণ্ডৰ সময়ত মঞ্চত খোজ দিব দীপিকাই ৷ অনুৰাগীসকলে বঁটা প্ৰদান অনুষ্ঠানত অভিনেত্ৰী দীপিকাক প্ৰত্যেক্ষ কৰিবলৈ আগ্ৰহী হৈ আছে ৷ উল্লেখ্যে যে, এইবাৰ অস্কাৰত কেইবাগৰাকী সুপৰিচিত ব্যক্তি উপস্থিত থাকিব । এছ এছ ৰাজামৌলি আৰু আৰ আৰ আৰৰ অভিনেতা-অভিনেত্ৰীসকলো এই বঁটা প্ৰদৰ্শনীত অংশগ্ৰহণ কৰিবলৈ সাজু হৈছে । মূল মঞ্চত অনুষ্ঠিত হ’ব অস্কাৰৰ বাবে মনোনীত গীত নাটু নাটুৰ LIVE পৰিবেশন।
লগতে পঢ়ক: Ranbir Kapoor: কৃতি সেননৰ সৈতে ৰূপালী পৰ্দাত একেলগে কাম কৰাৰ ইচ্ছা ৰণবীৰ কাপুৰৰ
