চিটাৰা ডেস্ক, 27 আগষ্ট: বলীউডত জনপ্ৰিয় অৰ্জুন কাপুৰ আৰু মালাইকা অৰোৰাৰ প্ৰেম কাহিনী । কিন্তু যোৱা কিছুদিনৰ পৰা দুয়োৰে বিচ্ছেদৰ খবৰ ছ’চিয়েল মিডিয়াত ব্যাপকভাৱে বিয়পি পৰিছিল ৷ আনকি ইমানলৈ খবৰ পোৱা গৈছিল যে অৰ্জুনে মালাইকাক এৰি অভিনেত্ৰী কুশা কাপিলাৰ সৈতে সম্পৰ্কত আহিছে ৷
ছ’চিয়েল মিডিয়াকে ধৰি বহু ৱেবছাইটত দুয়োৰে ব্ৰেকআপৰ খবৰ পোৱা গৈছিল । এই খবৰৰ পিচত দুয়োৰে অনুৰাগীও জানিবলৈ উৎসুক হৈ পৰিছিল যে এই খবৰ সঁচা নে কেৱল মাত্ৰ উৰাবাতৰি ৷ কিন্তু দেওবাৰে অৰ্জুন আৰু মালাইকাৰ অনুৰাগীয়ে সকাহৰ হুমুনিয়াহ কাঢ়িলে । আচলতে এতিয়া এই খবৰৰ মাজতে দুয়োৰে এটা ভিডিঅ’ পোহৰলৈ আহিছে ।
অৰ্জুন আৰু মালাইকাৰ নতুন ভিডিঅ’
দেওবাৰে অৰ্থাৎ ২৭ আগষ্টত অৰ্জুন কাপুৰ আৰু মালাইকা অৰোৰাৰ নতুন ভিডিঅ’ প্ৰকাশ পাইছে । অৰ্জুন আৰু মালাইকাৰ এই ভিডিঅ’টো দেখি অনুমান কৰিব পাৰি যে দুয়ো লান্স ডেটলৈ গৈছিল ৷ এই উপলক্ষে অভিনেতাগৰাকীক অল ব্লেক লুকত দেখা পোৱাৰ বিপৰীতে মালাইকাক অল হোৱাইট লুকত দেখা পোৱা যায় । দুয়োৰে মুখত ইগৰাকীয়ে সিগৰাকীৰ স’তে সুখী যে সেয়া স্পষ্টকৈ দেখা পোৱা যায় ।
ব্ৰেকআপৰ উৰাবাতৰি
উল্লেখ্য যে, মালাইকা আৰু অৰ্জুনৰ ব্ৰেকআপৰ খবৰ আৰম্ভ হৈছিল যেতিয়া অৰ্জুন কাপুৰে ইনষ্টাগ্ৰাম হেণ্ডেলত ছ’ল’ ভেকেচনৰ ছবি শ্বেয়াৰ কৰিছিল । এই সময়ছোৱাত অৰ্জুনে এটা ৰহস্যময় পোষ্ট শ্বেয়াৰ কৰিছিল । অভিনেতাগৰাকীয়ে লিখিছিল, ‘‘জীৱনটো চুটি । ছুটিৰ দিনবোৰ দীঘলীয়া কৰক ।’’ যদিও এইসন্দৰ্ভত অৰ্জুন আৰু মালাইকাই এতিয়াও কোনো প্ৰতিক্ৰিয়া প্ৰকাশ কৰা নাই।
অৰ্জুন আৰু মালাইকাৰ প্ৰেম কাহিনী
অৰ্জুন কাপুৰ আৰু মালাইকা অৰোৰাৰ বয়সৰ ব্যৱধান প্ৰায় ১০ বছৰ, কিন্তু তেওঁলোকৰ মতে প্ৰেমত বয়স কেৱল এটা সংখ্যা হে মাথো ৷ ২০১৮ চনৰ ফেশ্বন উইকত ৰেম্পত খোজ কঢ়াৰ সময়ত মালাইকাক মুকলিকৈ অৰ্জুনৰ বাবে চিয়াৰ দেখা গৈছিল । অৰ্জুনৰ জন্মদিনত মালাইকাই অৰ্জুনৰ সৈতে এখন ছবিও পোষ্ট কৰি তেওঁলোকৰ সম্পৰ্কক অফিচিয়েল কৰিছিল ৷
