চিটাৰা ডেস্ক, 7 ডিচেম্বৰ : বলীউডৰ চুপাৰষ্টাৰ শ্বাহৰুখ খানৰ পুত্ৰ আৰিয়ান খানে মঙলবাৰে কয় যে তেওঁৰ প্ৰথমটো প্ৰজেক্ট চিৰিজৰ চিত্ৰনাট্য লিখাৰ কাম সম্পূৰ্ণ হৈ উঠিছে । ইয়াৰ পূৰ্বে উৰাবাতৰি প্ৰচাৰ হৈছিল যে আৰিয়ানক কৰণ জোহৰে বলীউডত ব্ৰেক দিব, কিন্তু আৰিয়ানৰ কেমেৰাৰ আঁৰৰ জগতখনৰ প্ৰতিহে অধিক আগ্ৰহ যেন অনুমান হৈছে ।
প্ৰডাকচন হাউছ ৰেড চিলিজ এণ্টাৰটেইনমেণ্টৰ তথ্য অনুসৰি আৰিয়ানে চিৰিজটো পৰিচালনা আৰু প্ৰদৰ্শন কৰিব । আগন্তুক বৰ্ষত এই চিৰিজটো মুক্তি পোৱাৰ সম্ভাৱনা আছে । ইনষ্টাগ্ৰামত আৰিয়ানে লিখিছে, ‘লেখাৰ পৰ্ব শেষ... এক্সন ক’বলৈ ৰৈ থাকিব নোৱাৰিলোঁ’ । আৰিয়ানে পোষ্টটো শ্বেয়াৰ কৰাৰ কিছু সময়ৰ পিছতে চেলেব্ৰিটীসকলে অভিনন্দন বাৰ্তাৰে উপচাই পেলাই তেওঁৰ ইনষ্টাগ্ৰাম ৷ শ্বানায়া কাপুৰৰ পৰা আৰম্ভ কৰি এছ ফেশ্বন ফটোগ্ৰাফাৰ অবিনাশ গোৱাৰিকাৰ, গায়ক গুৰু ৰন্ধাৱালৈকে সকলোৱে খানক শুভকামনা যাচি কয় যে তেওঁলোকে তেওঁৰ অভিষেকৰ বাবে আগ্ৰহী ।
ইণ্টেৰিয়ৰ ডিজাইনাৰ পত্নী গৌৰী খানৰ সৈতে প্ৰডাকচন হাউছ প্ৰতিষ্ঠা কৰা শ্বাহৰুখে আৰিয়ানক অভিষেক ঘটোৱাৰ বাবে অভিনন্দন জনায় (Shah Rukh Khan son debut)। শ্বাহৰুখে কমেণ্ট ছেকচনত লিখিছে, "বাহ... থিংকিং... বিলিভিং... ড্ৰিমিং ডান, নাও অনটু ডেয়াৰ ... উইচ ইউ দ্য বেষ্ট ফৰ দ্য ফাৰ্ষ্ট । ই সদায় বিশেষ" ৷ মাতৃ গৌৰীয়ে ক'লে, "চাবলৈ ৰৈ থাকিব নোৱাৰি" ৷ এটা সুকীয়া ইনষ্টাগ্ৰাম পোষ্টত ৰেড চিলিজ এণ্টাৰটেইনমেণ্টে লিখে যে, "এটা নতুন যাত্ৰা আৰম্ভ কৰা হৈছে" ৷
- " class="align-text-top noRightClick twitterSection" data="
">
আৰিয়ানৰ কনিষ্ঠ ভগ্নী সুহানা খানে হিন্দী চলচ্চিত্ৰ জগতত খোজ দিবলৈ সাজু হৈছে । জোয়া আখতাৰ পৰিচালনাত নেটফ্লিক্স ছবি দ্য আৰ্চিজত অভিনয় কৰিছে সুহানাই । আইকনিক কমিক চিৰিজৰ আধাৰত নিৰ্মিত ছবিখনৰ প্ৰিমিয়াৰ হ’ব 2023 চনত ষ্ট্ৰীমাৰত । আনহাতে শ্বাহৰুখৰ আগন্তুক ছবি পাঠান অহা বছৰৰ 25 জানুৱাৰীত মুক্তি পাব ।
লগতে পঢ়ক : Pathaan Poster: পাঠানৰ নতুনকৈ মুকলি কৰা পোষ্টাৰত উগ্ৰ ৰূপত শ্বাহৰুখ
