চিটাৰা ডেস্ক, 24 অক্টোবৰ: ভাৰতীয় ক্ৰিকেট দলৰ প্ৰাক্তন অধিনায়ক তথা স্পিন বলাৰ বিষণ সিং আৰু নাই । ২৩ অক্টোবৰত ইহলীলা সম্বৰণ কৰে বিষণ সিং বেদীয়ে । বেদীৰ মৃত্যুৰ খবৰ ওলোৱাৰ পাচতে চৌদিশে শোকৰ ছাঁ পৰিছে ৷ অভিনেতা অংগদ বেদীৰ পিতৃ বিষণ সিং বেদীৰ মৃত্যুক লৈ হিন্দী চিনেমাৰ সকলো চেলিব্ৰিটিয়ে প্ৰতিক্ৰিয়া প্ৰকাশ কৰিছে । ইফালে ‘টাইগাৰ ৩’ৰ অভিনেতা ছলমান খানেও ছ’চিয়েল মিডিয়াত বিষণ সিং বেদীৰ মৃত্যুত শোক প্ৰকাশ কৰিছে ।
বিষণ সিং বেদীৰ মৃত্যুত শোকত ভাঙি পৰিল ছলমান
বিষণ সিং বেদীৰ মৃত্যুৰ সন্দৰ্ভত ছলমান খানে নিজৰ অফিচিয়েল টুইটাৰ হেণ্ডেলত এটা পোষ্ট শ্বেয়াৰ কৰিছে । এই টুইটত ভাইজানে লিখিছে - "মোৰ মৰমৰ ভাইটি অংগদ, আপোনাৰ পিতৃৰ মৃত্যুৰ খবৰ পাই মই বৰ দুখ পাইছো । তেওঁ এজন মহান বলাৰ আৰু এজন মহান ব্যক্তি আছিল । আমি সকলোৱে তেওঁক পৰিয়ালৰ দৰে সন্মান আৰু ভাল পাইছিলোঁ । ভগৱানে তেওঁৰ আত্মাক শান্তি প্ৰদান কৰক ।’’
ছলমানে লগতে লিখিছে, ‘‘এতিয়া আপুনি বেদী পৰিয়ালৰ মুৰব্বী, ভগৱানে মূৰটো চোৱাৰ পিচতহে মূৰব্বী পদবী দিয়ে । ভাতৃ আপোনাৰ পিতৃ আছিল এজন মহান ব্যক্তি ।'' এইদৰে ছলমান খানে বলীউডৰ অভিনেতা অংগদ বেদীৰ পিতৃ তথা ভাৰতীয় প্ৰাক্তন ক্ৰিকেটাৰ বিষণ সিং বেদীৰ মৃত্যুত শোক প্ৰকাশ কৰিছে ।
বিষণৰ মৃত্যুত শোক প্ৰকাশ কৰিছে এইসকল চেলিব্ৰিটিয়ে
অভিনেতা ছলমান খানৰ উপৰিও বহু বলীউড চলচ্চিত্ৰ অভিনেতাই বিষণ সিং বেদীৰ মৃত্যুত শোক প্ৰকাশ কৰিছে । ইয়াৰ ভিতৰত আছে হিন্দী চিনেমাৰ ছুপাৰষ্টাৰ শ্বাহৰুখ খান, অভিনেতা সুনীল শেট্টী, সঞ্জয় দত্ত আৰু সতীশ শ্বাহৰ দৰে চেলিব্ৰিটিৰ নাম । এয়া স্বাভাৱিক কাৰণ বিষণ সিং বেদীয়ে তেওঁৰ উজ্জ্বল খেলেৰে ভাৰতীয় ক্ৰিকেটলৈ যি অনবদ্য অৱদান আগবঢ়াইছে সেয়া কেতিয়াও পাহৰিব নোৱাৰি ।
লগতে পঢ়ক: Tribute to Bishan Singh Bedi: প্ৰধানমন্ত্ৰীৰ পৰা বিচিচিআইলৈ সকলোৱে জনালে বিষণ সিং বেদীলৈ শ্ৰদ্ধা
