চিটাৰা ডেস্ক, 22 ছেপ্টেম্বৰ : বিখ্যাত কমেডিয়ান ৰাজু শ্ৰীবাস্তৱৰ 22 ছেপ্টেম্বৰত শেষকৃত্য সম্পন্ন কৰা হয় । দেশজুৰি তেওঁৰ অনুৰাগীসকলে তেওঁক শ্ৰদ্ধাঞ্জলি জ্ঞাপন কৰে । ৰাজুৰ মৃত্যুত একাংশ চেলেব্ৰিটীয়েও শোক প্ৰকাশ কৰিছে । কিন্তু শতিকাটোৰ মেগাষ্টাৰ অমিতাভ বচ্চনক ৰাজুৰ মৃত্যুৰ পিছতেই একাংশই লক্ষ্য কৰি লৈছে ছ’চিয়েল মিডিয়াত (Amitabh Bachchan latest news) ৷
দৰাচলতে টুইটাৰ আৰু ইনষ্টাগ্ৰামত ৰাজু শ্ৰীবাস্তৱৰ মৃত্যুক লৈ এটা শোকবাৰ্তা নিদিয়াৰ বাবেই নেটিজেনৰ ট্ৰ’লৰ সন্মুখীন হৈছে বিগ বি । বিগ বিক ৰাজুৰ অনুৰাগীসকলে স্বাৰ্থপৰ বুলি অভিহিত কৰি বিভিন্ন নক’বলগীয়া কথা কৈছে ।
প্ৰাপ্ত বাতৰি অনুসৰি চিকিৎসাৰ সময়ত ৰাজুৰ সজ্ঞান ঘূৰাই আনিবলৈ অমিতাভ বচ্চনৰ কণ্ঠ শুনোৱা হৈছিল । তেওঁৰ চিকিৎসা চলি থকাৰ সময়ত অমিতাভ বচ্চনে কমেডিয়ান গৰাকীৰ স্বাস্থ্যৰ বিষয়ে জানিবলৈ তেওঁৰ ফোনত বহু মেছেজ পঠিয়াইছিল ৷ কিন্তু হাস্পতালত ভৰ্তি হোৱাৰ বাবে ৰাজু শ্ৰীবাস্তৱৰ ফোনটো চুইচ অফ কৰি ৰখা হৈছিল ৷ সেই গতিকে অভিনেতাজনৰ পৰা অহা এই মেছেজবোৰ কমেডিয়ান গৰাকী বা তেওঁৰ পৰিয়ালৰ লোকে চাব পৰা নাছিল ৷
এজন ব্যৱহাৰকাৰীয়ে লিখিছে, "সম্পূৰ্ণ সন্মানৰ সৈতে, মই অতি আচৰিত যে বিখ্যাত কৌতুক অভিনেতা ৰাজু শ্ৰীবাস্তৱৰ মৃত্যুত আপুনি সামাজিক মাধ্যমত কিয় এটা শব্দও কোৱা নাই বা কোনো পোষ্ট কৰা নাই ! তেওঁ আপোনাক তেওঁৰ আদৰ্শ আৰু ঈশ্বৰ বুলি বিবেচনা কৰিছিল" ৷
এজন ব্যৱহাৰকাৰীয়ে লিখিছে, "মহাশয়, ৰাজুৱে আপোনাৰ কিমান মিমিক্ৰী কৰিছে, যদি আপুনি তেওঁৰ প্ৰতি সন্মান জনাই দুটা শাৰী টুইট কৰিলেহেঁতেন, আপোনাৰ মৰ্যাদা আৰু বৃদ্ধি হ'লহেঁতেন" ৷ এজন ব্যৱহাৰকাৰীয়ে খঙত লিখিছে, "আপুনি সঁচাকৈয়ে নাজানে নে কি ৰাজু শ্ৰীবাস্তৱ কোন, তেওঁ আপোনাক তেওঁৰ অনুপ্ৰেৰণা হিচাপে গণ্য কৰিছিল । আপুনি বহুত মতলবী অমিতাভ" ।
লগতে পঢ়ক : Raju Srivastava death news: উভতি চাওঁ আহক ৰাজু শ্ৰীবাস্তৱৰ জীৱনলৈ
