চিটাৰা ডেস্ক, 9 এপ্ৰিল: শেহতীয়াকৈ বলীউডৰ অভিনেতা বৰুণ ধাৱনৰ পত্নী নাতাশা দালালৰ সন্দৰ্ভত এটা খবৰ দ্ৰুতগতিত ছ’চিয়েল মিডিয়াত ভাইৰেল হৈ পৰিছে ৷ সেয়া হৈছে নাতাশা দালালৰ অন্তঃসত্বাৰ খবৰ ৷ এই খবৰৰ মাজতে বৰুণ ধাৱন আৰু নাতাশা দালালক নিশাৰ আহাৰ গ্ৰহণৰ বাবে ওলাই অহা দেখা গ’ল (Varun Dhawan Natasha Dalal pregnancy rumours) ।
দৰাচলতে শনিবাৰে মুম্বাইৰ এখন প্ৰজনন চিকিৎসালয়ত দেখা পোৱা গৈছিল এই দম্পতীক ৷ ইয়াৰ পিচতে নাতাশা দালাল অন্তঃসত্বা বুলি সামাজিক মাধ্যমত ভাইৰেল হৈ পৰে । মুম্বাইৰ খাৰ অঞ্চলৰ ক্লিনিকৰ পৰা ওলাই আহোঁতে এই যুটিটোক প্ৰত্যক্ষ কৰিছিল পাপাৰাজীয়ে (Varun Dhawan wife Natasha Dalal pregnant) ৷
ইফালে দিনৰ ভাগত ক্লিনিকত বৰুণ আৰু নাতাশাক দেখা পোৱাৰ পিচত পুনৰ নিশাৰ আহাৰ গ্ৰহণ কৰিবলৈ ওলাই অহা এই দম্পতী প্ৰত্যক্ষ কৰে পাপাৰাজীয়ে ৷ বৰুণ আৰু তেওঁৰ ফেশ্বন ডিজাইনাৰ পত্নীয়ে বাহনৰ ফালে যোৱাৰ সময়ত কেমেৰাৰ ফালে প্ৰত্যক্ষ কৰি হাঁহিছিল । সম্প্ৰতি বৰুণ আৰু নাতাশাই প্ৰথম সন্তানৰ আশা কৰা বুলি কোৱা হৈছে যদিও বৰ্তমানলৈকে এই খবৰ আনুষ্ঠানিকভাৱে ঘোষণা কৰা নাই বৰুণ আৰু নাতাশাই (Varun Dhawan Natasha Dalal spotted) ।
উল্লেখ্য যে, বৰুণ আৰু নাতাশা একেলগে স্কুলীয়া জীৱনৰ পৰা প্ৰেমিক-প্ৰেমিকা আছিল ৷ ইয়াৰ পিচত তেওঁলোকৰ প্ৰেমে সম্পূৰ্ণতা লাভ কৰে ২০২১ চনৰ জানুৱাৰী মাহত ৷ জানুৱাৰী মাহত বিবাহপাশত আৱদ্ধ হয় বৰুণ আৰু নাতাশা । মহাৰাষ্ট্ৰৰ আলিবাউগত অনুষ্ঠিত হৈছিল বিবাহৰ অনুষ্ঠান ৷ মহামাৰীৰ বাবে আলিবাউগৰ দ্য মেনচন হাউচত অনুষ্ঠিত হোৱা বৰুণ আৰু নাতাশাৰ বিয়াত অতিথিৰ তালিকা আছিল সীমিত (Varun Dhawan Natasha Dalal dinner date)।
ইফালে ৱৰ্ক ফন্টত শেহতীয়াকৈ বৰুণক দেখা পোৱা গৈছিল অমৰ কৌশিকৰ হেলমড ক্ৰিয়েচাৰ কমেডী ভেড়িয়াত । ইয়াৰ পিচত অভিনেতাগৰাকীক দেখা পোৱা যাব নিতেশ তিৱাৰীৰ পৰিচালনাৰ নিৰ্মিত আগন্তুক ছবি বাৱালত । ছবিখনত বৰুণৰ সৈতে দেখা পোৱা যাব জাহ্নৱী কাপুৰ।
লগতে পঢ়ক: বৰুণ ধাৱনৰ বিবাহ বাৰ্ষিকীত কিদৰে উপস্থিত হয় বি-টাউন তাৰকাসকল, চাওক
