চিটাৰা ডেস্ক, 9 ফেব্ৰুৱাৰী : চিটাৰা ডেস্ক, 9 ফেব্ৰুৱাৰী : বলীউডৰ জনপ্ৰিয় অভিনেত্ৰী অমৃতা সিঙৰ আজি 65 বছৰীয়া জন্মদিন ( Amrita Singh birthday) ৷ 1958 চনৰ 9 ফেব্ৰুৱাৰীত জন্ম হৈছিল অমৃতাৰ ( Amrita Singh age) ৷ ছানী ডেউলৰ সৈতে 1983 চনত বেতাব ছবিখনেৰে বলীউডত আত্মপ্ৰকাশ কৰিছিল অমৃতাই ৷ 80 ৰ দশকত বহুত সুনাম অৰ্জন কৰিছিল অমৃতাই ৷
- " class="align-text-top noRightClick twitterSection" data="
">
বলীউডৰ বহু নামজ্বলা অভিনেতাৰ সৈতে স্ক্ৰীণ শ্বেয়াৰ কৰিছিল অমৃতা সিঙে ৷ চলচ্চিত্ৰ প্ৰেমী দৰ্শক তেওঁৰ অভিনয়ৰ অনুৰাগী আছিল ৷ অভিনয়ৰ সমান্তৰালকৈ অমৃতা সিং তেওঁৰ সৌন্দৰ্যৰ বাবেও চৰ্চাত থাকিছিল ৷
বলিষ্ঠ অভিনয়ৰ বাবে অমৃতা সিঙ তেওঁৰ অভিনয় কেৰিয়াৰত কেইবাবাৰো ফিল্মফেয়াৰ আৰু আই আই এফ এ বঁটাৰ বাবে মনোনীত হৈছিল ৷ 1994 চনত ‘আইনা’ ছবিখনৰ বাবে তেওঁ ফিল্মফেয়াৰ বঁটা লাভ কৰিছিল ৷
অভিনয় কেৰিয়াৰ সুন্দৰভাৱে এক নিৰ্দিষ্ট গতিত আগবাঢ়ি গৈ থাকোতেই অমৃতাৰ জীৱনলৈ আগমণ ঘটিছিল ছৈফ আলী খানৰ ৷ তেতিয়ালৈকে অমৃতা সিং নামটো ইতিমধ্যে বলীউডত এটা জনা শুনা নামলৈ পৰিণত হৈছিল আৰু ছৈফ আলী খানে বলীউডত নিজৰ পৰিচয়ৰ বাবে পৰিশ্ৰম কৰি আছিল ৷ লাহে লাহে তেওঁলোকৰ মাজত কথা বতৰা আৰম্ভ হ’বলৈ ল’লে আৰু তেওঁলোকৰ মাজৰ দূৰত্ব কমি আহিল ৷
দুই তাৰকা অমৃতা সিং আৰু ছৈফ আলী খান তেওঁলোকৰ মাজত থকা বয়সৰ ব্যৱধান সম্পৰ্কে অৱগত আছিল যদিও তেওঁলোকে এই কথা ভাবি প্ৰেমৰ সম্পৰ্কটো শেষ কৰিব নিবিচাৰিলে আৰু বিবাহ পাশত আৱদ্ধ হ’ল (Amrita Singh Saif ali khan) ৷ ছৈফ আছিল 21 বছৰীয়া আৰু অমৃতা আছিল 33 বছৰীয়া ৷ তেওঁলোকৰ জীৱনলৈ দুটিকৈ সন্তানৰ আগমণ ঘটে ৷ কন্যা ছাৰা আলী খানে ইতিমধ্যেই বলীউডত খোজ দিছে ৷ এতিয়ালৈকে কেইবাখনো চিনেমা কৰিছে ছাৰাই ৷
মনে মনে বিবাহ পাশত আৱদ্ধ হৈছিল অমৃতা-ছৈফ ৷ কিছু সময়ৰ পিছত তেওঁলোকৰ সম্পৰ্কৰ কথা জানি সকলো আচৰিত হৈ পৰিছিল ৷ কিন্তু একেলগে থকাৰ পিছত এই 12 বছৰীয়া ব্যৱধানে দুয়োৰে মাজত যথেষ্ট মতানৈক্যৰ সৃষ্টি কৰিবলৈ ধৰিলে ৷ প্ৰথমটি সন্তান জন্ম হোৱাৰ পিছতে তেওঁলোকৰ মাজত কাজিয়া পৰিমাণ বাঢ়িবলৈ ধৰিলে ৷ তেওঁলোকে সম্পৰ্কটো ধৰি ৰাখিবলৈ বহুত চেষ্টা কৰিছিলে কিন্তু সফল নহ’ল ৷ দ্বিতীয়টো সন্তান ইব্ৰাহীম জন্ম হোৱা সময়লৈকে তেওঁলোকৰ মাজত বিবাহ বিচ্ছেদৰ পৰিস্থিতি আহি পৰিছিলহি ৷
2004 চনত তেওঁলোকৰ বিবাহ বিচ্ছেদ হয় ৷ বিচ্ছেদৰ সময়ত 5 কোটি টকা আৰু দুই সন্তানৰ দায়িত্ব অমৃতাই লাভ কৰে ৷ বিচ্ছেদৰ পিছত অমৃতা দুনাই বিয়াত নবহিল ৷ প্ৰাপ্ত বাতৰি মতে অমৃতা সিঙে খুব বিলাসী জীৱন যাপন কৰে ৷ তেওঁৰ মুঠ সম্পত্তি 15 মিলিয়ন ডলাৰ ৷ অমিতাভ বচ্চন আৰু তাপসী পন্নুৰ সৈতে অমৃতাক বদলা ছবিখনত দেখা পোৱা গৈছিল (Amrita singh movies) ৷ টু ষ্টেটছ ছবিখনত কৰা অভিনয়ৰ বাবে অমৃতাক বহুত প্ৰশংসা কৰা হৈছিল ৷
লগতে পঢ়ক : চেহেৰা পছন্দ নকৰি চলচ্চিত্ৰ নিৰ্মাতাই প্ৰত্যাখান কৰিছিল শ্বাহৰুখ-কেটৰিণাকে ধৰি এইসকল অভিনেতাক
