নেচনেল ডেক্স, 24 এপ্ৰিল : তিনিদিন পূৰ্বে ছত্তিশগড়ৰ বিজাপুৰৰপৰা নক্সালে অপহৰণ কৰিছিল এগৰাকী আৰক্ষী উপ-পৰিদৰ্শকক ৷ অপহৃত আৰক্ষী উপ-পৰিদৰ্শক মুৰলি তাঁতীক ইতিমধ্য়ে নক্সালে হত্যা কৰা বুলি জানিবলৈ দিছে বিজাপুৰৰ আৰক্ষী অধীক্ষক কামলোচন কাশ্যপে ৷ তিনিদিন পূৰ্বে পালনাৰত থকা বাসগৃহৰপৰা নক্সালে অপহৰণ কৰিছিল মুৰলী তাঁতীক ৷ অপহৃত আৰক্ষী বিষয়া মুৰলী তাঁতীৰ মৃতদেহ বিজাপুৰ জিলাৰ গংগালুৰৰ এখন গাঁৱৰ সমীপত উদ্ধাৰ হয় ৷
মৃতদেহৰ সৈতে এখন পত্ৰ উদ্ধাৰ কৰা হয় য’ত আৰক্ষী বিষয়াজনক জনতাৰ আদালতৰ সিদ্ধান্ত অনুসৰি মৃত্যুদণ্ড দিয়া হয় বুলি উল্লেখ কৰে নক্সালবাদীয়ে ৷ উল্লেখ্য যে , এপ্ৰিল মাহৰ প্ৰথম সপ্তাহত নক্সালবাদীৰ আক্ৰমণৰ ফলত 22 জন সুৰক্ষা কৰ্মী নিহত হোৱাৰ ওপৰিও 30 জনকৈ জোৱান আহত হৈছিল ছত্তিশগড়ত ৷
লগতে পঢ়ক : ডিব্ৰুগড়ত পুনৰ এজনৰ কৰ'ণাত মৃত্যু
