নিউজ ডেস্ক,৩ মাৰ্চ: বিবাহৰ প্ৰস্তাৱ প্ৰত্যাখ্যানৰ কৰুণ পৰিণতি । প্ৰস্তাৱ প্ৰত্যাখ্যান কৰাই কাল হ'ল এগৰাকী যুৱতীৰ । এই কৰুণ ঘটনা সংঘটিত হৈছে হায়দৰাবাদত । বিবাহৰ প্ৰস্তাৱ প্ৰত্যাখ্যান কৰাৰ কঠোৰ পৰিণাম ভূগিলে হায়দৰাবাদৰ এগৰাকী যুৱতী । পেচাত অধিবক্তা যুৱতীগৰাকীৰ সৈতে হায়দৰাবাদৰ জনপ্ৰিয় বিউটি পাৰ্লাৰ হেয়াৰ ষ্টাইলিং চেলুনত কাম কৰা এজন যুৱকে সংঘটিত কৰে এই নাৰকীয় ঘটনা ।
দৰাচলতে যুৱতীগৰাকী আৰু যুৱকজনৰ মাজত প্ৰায় দুবছৰ ধৰি প্ৰেমৰ সম্পৰ্ক আছিল । পাচত বিবাহৰ বাবে প্ৰস্তাৱ আগবঢ়োৱাত সেই প্ৰস্তাৱ প্ৰত্যাখ্যান কৰে যুৱতীগৰাকীয়ে । যাৰ পৰিণামস্বৰূপে মঙলবাৰে যুৱকজনে চুৰিৰে উপৰ্যুপৰি আক্ৰমণ কৰে যুৱতীগৰাকীক । যুৱকৰ আক্ৰমণত গুৰুত্বৰভাৱে আহত যুৱতীগৰাকীক সম্প্ৰতি চিকিৎসালয়ত ভৰ্তি কৰোৱা হৈছে । যুৱতীগৰাকীক মাতৃয়ে উদ্ধাৰ কৰিবলৈ অহাত সামান্য পৰিমাণে আহত হয় । ঘটনা সন্দৰ্ভত আৰক্ষীয়ে তদন্ত অব্যাহত ৰাখিছে ।
লগতে পঢ়ক: ইষ্টাৰ্ণ নেভেল কমাণ্ডাৰ হিচাপে দায়িত্বভাৰ গ্ৰহণ অজেন্দ্ৰ বাহাদুৰ সিঙৰ
