হোজাইত অনলাইন জুৱা: আটক আই পি এলৰ চাৰি জুৱাৰী

হোজাই চহৰত শনিবাৰে আই পি এলৰ জুৱা চলোৱা চাৰি জুৱাৰীক আটক কৰে আৰক্ষীয়ে । ইফালে অধিক তথ্যৰ লগতে আই পি এলৰ জুৱাত অধিক ব্যক্তি জড়িত থকাৰ সন্দেহত আৰক্ষীয়ে অব্যাহত ৰাখিছে তদন্ত ৷

হোজাই, 24 এপ্ৰিল: আই পি এলৰ জুৱা চলোৱা চাৰি জুৱাৰীক শনিবাৰে আটক কৰে হোজাই আৰক্ষীয়ে । ধৃত জুৱাৰী কেইটা ক্ৰমে হোজাই কলেজ ৰোডৰ আলম আহমেদ,বৰপুখুৰী এলেকাৰ আইজুল হক, আহমেদ নগৰৰ নজমুল ইছলাম আৰু ভূঞাপট্টি অঞ্চলৰ ৰিয়াজ উদ্দীন বুলি জানিব পৰা গৈছে ।

উল্লেখ্য যে, হোজাই থানাৰ উপ পৰিদৰ্শক বদন বৰাৰ নেতৃত্বত আৰক্ষীৰ এটা দলে শুকুৰবাৰে এক অভিযান চলাই ৷ এই অভিযানত হোজাই বৰপুখুৰী অঞ্চলৰ আইজুল হক নামৰ লোক জনৰ ঘৰৰ পৰা আটাইকেইটা জুৱাৰীক আটক কৰে আৰক্ষীয়ে । ইফালে ধৃত জুৱাৰী কেইটাৰ পৰা আৰক্ষীয়ে কেইবাটাও মোবাইল ফোনৰ লগতে,বৃহৎ পৰিমানৰ ধন আৰু হিচাপ নিকাচৰ বহী উদ্ধাৰ কৰিছে । অন লাইনযোগে আই পি এলৰ জুৱা চলোৱাৰ কথাও আৰক্ষীৰ আগত স্বীকাৰ কৰিছে ধৃত জুৱাৰী কেইজনে ৷

লগতে পঢ়কৃ-সুৰা নথকাত ছেনিটাইজাৰ পান কৰি ৫ জনৰ মৃত্যু