তিনিচুকীয়া, 10 জুন : বাঘজান তৈল খাদত সংঘটিত ভয়াবহ অগ্নিকাণ্ডৰ ফলত মৃত্যুক সাৱটি লোৱা দুই OIL ৰ কৰ্মচাৰীৰ মৃতদেহ উদ্ধাৰ কৰা হৈছে ৷ OIL ৰ অগ্নিনিৰ্বাপক বাহিনীৰ মৃত কৰ্মচাৰী দুজন হৈছে দূৰ্লভ গগৈ আৰু টিখেশ্বৰ গোঁহাই ৷ বিস্ফোৰণৰ সময়ত কৰ্তব্যৰত আছিল কৰ্মচাৰী দুজন ৷
এটা পুখৰীত উদ্ধাৰ হৈছে কৰ্মচাৰী দুজনৰ মৃতদেহ ৷ হঠাৎ অগ্নিকাণ্ড সংঘটিত হোৱাৰ ফলত আত্মৰক্ষাৰ বাবে পুখুৰীত জাঁপ দিছিল কৰ্মচাৰী দুজনে ৷ দ্ৰোণ কেমেৰাৰ সহায়ত সন্ধান লাভ কৰা হ'ল দুয়োজনৰে মৃতদেহ ৷
প্ৰাক্তন ফুটবল খেলুৱৈ দুলৰ্ভ গগৈ নামৰূপ আৰু তিষেশ্বৰ গোঁহাই চাবুৱাৰ নিবাসী আছিল বুলি জানিব পৰা গৈছে ৷
আৰু পঢ়ক : বাঘজান তৈল খাদ অগ্নিকাণ্ডত নিখোজ দুই অইলৰ কৰ্মচাৰী
