তেজপুৰ, ৯ অক্টোবৰ : শোণিতপুৰ জিলাৰ ঢেকিয়াজুলিত চিকিৎসকৰ পৰিয়ালক আক্ৰমণ কৰিছে দুই দুৰ্বৃত্তই ৷ পূজা চাই ঘৰলৈ উভতি অহাৰ পথত চিকিৎসক ড: কমল জালৰ লগতে পত্নী ঝৰ্ণাকৰণ জাল, পিতৃ মহেন্দ্ৰ জাল আৰু মাতৃ সুজাতা জালক দশমীৰ নিশা আক্ৰমণ কৰে দুৰ্বৃত্তৰ দলে ৷
ঢেকিয়াজুলিত চিকিৎসকৰ পৰিয়ালক আক্ৰমণ
দুৰ্বৃত্তৰ আক্ৰমণত চিকিৎসকগৰাকীৰ আঙুলি ভঙাৰ লগতে হাত, পিঠি আৰু মূৰত আঘাত পায় ৷ আনহাতে, চিকিৎসকগৰাকীৰ পত্নী আৰু পিতৃও এই ঘটনাত আঘাতপ্ৰাপ্ত হৈছে ৷ পৰৱৰ্তী সময়ত পৰিয়ালৰ সকলোকে চিকিৎসালয়লৈ নিয়া হয় ৷ আনহাতে, দুৰ্বৃত্ত দুটা অমিত দেৱ নাথ আৰু আকাশ দেৱ নাথ বুলি চিনাক্ত কৰিছে চিকিৎসকৰ পৰিয়ালটোৱে ৷ ইতিমধ্যেই ঢেকিয়াজুলি আৰক্ষী থানাত এজাহাৰ দাখিল কৰিছে চিকিৎসকগৰাকীয়ে ৷
