আমগুৰি,৪ এপ্ৰিল : বৃহত্তৰ অসমীয়া যুৱ মঞ্চ আমগুৰি আঞ্চলিক সমিতিয়ে সোমবাৰে চহৰখনৰ মাজমজিয়াত উত্তাল প্ৰতিবাদ সাব্যস্ত কৰে ৷ প্ৰতিবাদকাৰীসকলে এআইইউডিএফৰ বিধায়ক চিৰাজউদ্দিন আজমলৰ প্ৰতিকৃতি দাহ কৰি চিৰাজউদ্দিন হায় হায়, অসমত বাংলাদেশীৰ দাদাগিৰি নচলিব, অসমত অসমীয়াগিৰি চলিব আদি শ্ল'গানেৰে চৌদিশ উত্তাল কৰি তোলে (Sirajuddin Ajmal effigy burns at Amguri) ।
প্ৰতিবাদকাৰীসকলে চিৰাজউদ্দিন আজমলৰ বিধায়ক পদ খাৰিজ কৰাৰ বাবে মুখ্যমন্ত্ৰীক দাবী জনায় ৷ তেওঁলোকে চিৰাজউদ্দিন আজমলক 420 অৰ্থাৎ প্ৰৱঞ্চক আখ্যা দি তেওঁ ক্ষমা খুজিলে নহ'ব বুলি কঠোৰ ভাষাৰে সমালোচনা কৰে ৷ লগতে অসম নামৰ মাজনীৰ কাৰণে যিকোনো পদক্ষেপ গ্ৰহণ কৰিবলৈ বাধ্য হ’ব বুলি হুংকাৰ দিয়ে সংগঠনটোৰ কৰ্মকৰ্তাসকলে (Protest against Sirajuddin Ajmal)৷
বৃহত্তৰ অসমীয়া যুৱ মঞ্চ আমগুৰি আঞ্চলিক সমিতিয়ে লগতে পেট্ৰ’ল, ডিজেল আদি ইন্ধনজাত আৰু অত্যাৱশ্যকীয় সামগ্ৰীৰ মূল্যবৃদ্ধি ৰোধ কৰাৰ বাবে অসম চৰকাৰক দাবী জনায় । তেওঁলোকে ৰঞ্জিত দাসকো এজন ব্যৰ্থ মন্ত্ৰী বুলি উল্লেখ কৰি অসম চৰকাৰক তেওঁৰ পৰা যোগান বিভাগ মন্ত্ৰীত্বৰ পদ খাৰিজ কৰাৰ দাবী জনায় ।
উল্লেখ্য যে, অসম বিধানসভাৰ চৌহদত "অসমীয়া ভাষাক কোনে চিনি পায়, মই অসমীয়া ভাষা নকওঁ । অসমীয়া কেইটা আছে । আজমল ইন্টাৰনেচনেল মানুহ । এআইইউডিএফ ৰাষ্ট্ৰীয় দল । মই ইংৰাজীহে কম" এইবুলি অসমীয়া ভাষাৰ বিৰুদ্ধে তীৰ্যক মন্তব্য প্ৰকাশ কৰিছিল বিধায়ক চিৰাজউদ্দিন আজমলে (MLA Sirajuddin Ajmal refused to speak Assamese ) ৷ বিধায়ক চিৰাজউদ্দিন আজমলে অসমতে অসমীয়া ভাষাক এনেদৰে অপমান কৰাৰ ফলত ক্ষোভিত হৈ পৰিছে সমগ্ৰ ৰাজ্যৰ বিভিন্ন দল-সংগঠন ৷
ইতিমধ্যে অসমীয়া ভাষাক অপমান কৰা এআইইউডিএফৰ বিধায়কগৰাকীৰ বিৰুদ্ধে সম্প্ৰতি ৰাজ্যজুৰি অব্যাহত আছে প্ৰতিবাদৰ জোৱাৰ ৷ কোনোৱে যদি বিধায়কগৰাকীৰ প্ৰতিকৃতি দাহ কৰি প্ৰতিবাদ সাব্যস্ত কৰিছে, আন কোনো আকৌ দ্বাৰস্থ হৈছে আইনৰ ৷ বহুতে আকৌ চিৰাজউদ্দিন আজমলৰ বিধায়ক পদ খাৰিজৰ দাবী জনায় ৷
লগতে পঢ়ক : বিলাসীপাৰাত AIUDF ৰ মুৰব্বী বদৰুদ্দিন আজমলৰ পুত্তলিকা দাহ
