পথ মেৰামতিৰ দাবীত নলবাৰীত প্ৰতিবাদ

বিধ্বস্ত পথ মেৰামতিৰ দাবীত কোৰ,জাকৈ লৈ ৰাজপথত বাঁহ বান্ধি ক্ষুব্ধ মহিলাৰ প্ৰতিবাদ ৷ স্থানীয় বিধায়ক, পৌৰসভাৰ বিৰুদ্ধে উজাৰিলে ক্ষোভ । শীঘ্ৰে পথটো মেৰামতি কৰাৰ দাবী ৷

নলবাৰী, 30 এপ্ৰিল : নলবাৰী পৌৰসভা তথা জিলা প্ৰশাসনৰ কাণ্ডজ্ঞানহীনতাৰ বাবেই এজাক বৰষুণতেই চহৰবাসী ৰাইজে কৃত্ৰিম বানত ভুগিবলগীয়া হৈছে নৰক যন্ত্ৰণা । নলবাৰী পৌৰসভাৰ অন্তৰ্গত ২ নং ৱাৰ্ডৰ মালিকুছিৰ ৰাইজে দীৰ্ঘদিন ধৰি দুৰ্গম পথৰ বাবে জীয়াতু ভুগি আহিছে ৷ ফলত অতিষ্ঠ হৈ হাতে - হাতে কোৰ আৰু জাকৈ লৈ ৰাজপথলৈ ওলাই আহি জৰাজীৰ্ণ পথ মেৰামতিৰ দাবীত পৌৰসভা আৰু স্থানীয় বিধায়কৰ বিৰুদ্ধে সাব্যস্ত কৰে প্ৰতিবাদ ৷

উল্লেখ্য যে, চহৰৰ মালিকুছি অঞ্চলৰ যামিনী চ'কৰ পৰা কলেজ ৰোড-ব্লক চাৰিআলি চ'কলৈ যোৱা সংযোগী পথটোৰ বিধ্বস্ত ৰূপত অতিষ্ঠ ৰাইজে পথটো মেৰামতি সন্দৰ্ভত নলবাৰী পৌৰসভা আৰু স্থানীয় বিধায়ক অশোক শৰ্মাক বহুসময়ত জনাই আহিছে যদিও আজিপৰ্যন্ত পথ নিৰ্মাণৰ ক্ষেত্ৰত কোনো পদক্ষেপ গ্ৰহণ নকৰাত ক্ষোভিত ৰাইজে সাব্যস্ত কৰে প্ৰতিবাদ ৷ লগতে অতিশীঘ্ৰে পথটো মেৰামতি কৰিবলৈ আহ্বান জনায় প্ৰতিবাদকাৰী ৰাইজে ৷