নগাওঁ,5 ফেব্ৰুৱাৰীঃ আৰ্থিক দৈন্যতাত ককবকাই থকা এটা পৰিয়ালৰ একমাত্ৰ উপাৰ্জনকাৰীজন ৰোগাক্ৰান্ত হৈ পৰাত সংকটত পৰিছে পৰিয়ালৰ প্ৰতিজন সদস্য। নগাঁও জিলাৰ পুৰণিগুদামৰ চলচলি-বেঙেনাআটি গাঁৱৰ বাসিন্দা মাধৱ শইকীয়া বিগত ছমাহ ধৰি চকুৰ এক জটিল ৰোগত আক্ৰান্ত হৈ দিক্বিদিক হেৰুৱাই পেলাইছে । দিন-হাজিৰা কৰি কোনোমতে পৰিয়াল পোহপাল দিয়া মাধৱ শইকীয়াৰ সোঁ চকুটো এক জটিল ৰোগত আক্ৰান্ত হয় ৷
ৰোগত আক্ৰান্ত মাধৱ শইকীয়াই পৰিয়ালৰ সহযোগত অসমৰ বিভিন্ন স্থানত চিকিৎসা কৰাৰ লগতে উন্নত চিকিৎসাৰ বাবে নেপাললৈ যায় যদিও আৰোগ্য লাভৰ পৰা বঞ্চিত হয় ৷ সম্প্ৰতি বহু লোকৰ ঘৰৰ দুৱাৰে-দুৱাৰে সাহাৰ্য বিচাৰি হাবাথুৰি খাই ফুৰা দৰিদ্ৰ পৰিয়ালটোৰ ব্যক্তিগৰাকীৰ উন্নত চিকিৎসাৰ বাবে প্ৰয়োজন হৈছে এক বৃহৎ পৰিমাণৰ আৰ্থিক সাহাৰ্যৰ । এতিয়া এইগৰাকী লোকক প্ৰয়োজন আপোনাৰ অকণমান সহায়ৰ । সমগ্ৰ অসমবাসী ৰাইজৰ লগতে অসম চৰকাৰৰ স্বাস্থ্য মন্ত্ৰী ড৹ হিমন্ত বিশ্ব শৰ্মাকো সহায়ৰ হাত আগবঢ়াবলৈ অনুৰোধ জনাইছে দুৰ্ভগীয়া পৰিয়ালটোৱে । উল্লেখ্য যে,দুৰ্ভগীয়া পৰিয়ালটোক কোনো লোকে যদি সহায়ৰ হাত আগবঢ়াব বিচাৰে তেন্তে ৬০০০৬-২৯২৯৫ নম্বৰত যোগাযোগ কৰিবলৈ আহ্বান জনাইছে উক্ত পৰিয়ালটোৱে ।
লগতে চাওকঃনাগৰিকত্ব সংশোধনী আইন বিৰোধী আন্দোলনত আঘাতপ্ৰাপ্ত ছানিদুললৈ আমছুৰ আৰ্থিক সাহাৰ্য
