কলিয়াবৰ, 19 এপ্ৰিল : সুধাকণ্ঠ ড৹ ভূপেন হাজৰিকাই গাইছিল "আজিৰ অসমীয়া ই নিজক নবচালে, অসমতে মগনীয়া হ’ব" ৷ এই ঘটনাৰ উদাহৰণ পোৱা গ'ল নগাঁৱত ৷ অসমীয়াৰ বাপতি সাহোন বিহুত ছুটী লোৱাৰ বাবেই কলিয়াবৰৰ নলতলিস্থিত বাৰ্জাৰ কোম্পানীৰ (Berger Company at Kaliabor) কেইবাজনো কৰ্মচাৰীয়ে পালে কোম্পানীটোৰ তৰফৰ পৰা দুৰ্ব্যৱহাৰ (Berger Company misbehave with employees ) ৷
এইবাৰ ব’হাগ বিহুৰ দিনা কৰ্মচাৰীকেইজন উপস্থিত নথকাক কেন্দ্ৰ কৰি নলতলিত সৃষ্টি হৈছে এক উত্তপ্ত পৰিস্থিতি ৷ এইবাৰ অসমীয়াৰ হেঁপাহৰ বিহুটিক অপমান কৰিবলৈ কুণ্ঠাবোধ নকৰিলে কলিয়াবৰৰ এটা কোম্পানীয়ে । জানিব পৰা মতে, বিহুৰ দিনা কৰ্মস্থলীত উপস্থিত নথকাৰ বাবে কৰ্মচাৰীক দুৰ্ব্যৱহাৰ কৰিলে কোম্পানীটোৰ তিনি বিষয়াই ৷
উপায়ন্তৰ হৈ কৰ্মচাৰী কেইজনে অসম জাতীয়তাবাদী যুৱ ছাত্ৰ পৰিষদৰ কলিয়াবৰ জিলা সমিতিৰ লগত যোগাযোগ কৰে ৷ পৰৱৰ্তী সময়ত অসম জাতীয়তাবাদী যুৱ ছাত্ৰ পৰিষদৰ কলিয়াবৰ জিলা সমিতিয়ে প্ৰতিবাদ সাব্যস্ত কৰি পৰিস্থিতি উত্তপ্ত কৰি তোলে (Tense situation at Kaliabor) ৷
জাতীয় উৎসৱ বিহুক অপমান কৰা তিনি বিষয়াক বৰ্খাস্ত কৰিবলৈ দাবী উত্থাপন কৰে অসম জাতীয়তাবাদী যুৱ ছাত্ৰ পৰিষদে ৷ ইতিমধ্যে চুলুং তহলদাৰী আৰক্ষী চকীত ঘটনা সন্দৰ্ভত এখন এজাহাৰ দাখিল কৰা হৈছে ৷ উল্লেখ্য যে, পূৰ্বেও কোম্পানীটোৰ বিৰুদ্ধে কৰ্মচাৰী আৰু কৰ্মীক দুৰ্বৱহাৰ কৰাৰ বহু অভিযোগ আছে ৷
লগতে পঢ়ক: দেশত কিয় দ্ৰুতগতিত বৃদ্ধি পাইছে কৰ’ণাত আক্ৰান্ত শিশুৰ হাৰ ?
