মৰিগাঁও : জোনবিল মেলা; ই হৈছে অসমৰ এক ঐতিহাসিক উৎসৱ । যাৰ বাবে অধীৰ আগ্ৰহেৰে অপেক্ষা কৰি থাকে অসমবাসীয়ে । জোনবিল মেলাৰ আছে এক পৌৰাণিক ইতিহাস । মৰিগাঁও জিলাৰ মধ্যৱৰ্তী জাগীৰোডৰ পৰা তিনি কিলোমিটাৰ দূৰত্বত থকা এখন বিল জোনবিলৰ পাৰত অনুষ্ঠিত হয় এই জোনবিল মেলা ।
জোনবিল মেলাৰ আৰম্ভণি কেতিয়াৰ পৰা আৰম্ভ কৰিছিল, তাৰ ইতিবৃত্তি সঠিকভাৱে নাই যদিও তাহানিৰ গোভাৰাজ্য প্ৰতিষ্ঠা হোৱা দিনৰে পৰা এই মেলা প্ৰচলিত হোৱা বুলি গৱেষকসকলে মত পোষণ কৰিছে ।
জনশ্ৰুতি অনুসৰি, গোভা ৰাজ্যৰ প্ৰতিষ্ঠাপক গোভা ৰজাই এদিন ৰাণীৰ সৈতে নৌকা বিহাৰ কৰি ঘূৰি ফুৰোতে এখন বিলৰ কাষ পাইছিল আৰু নিশাৰ বিলৰ ফটফটীয়া পানীত জোনৰ পোহৰ পৰি উজ্জ্বলি উঠিছিল । তাকে দেখি ৰজা ৰাণীৰ মন আনন্দত উৎফুল্লিত হৈ পৰিছিল আৰু তেতিয়া ৰজাই ৰাণীক কৈছিল ‘‘এইখন জোনটোৰ দৰে বিল’’ । তেতিয়াৰ পৰাই এই বিলখনৰ নাম জোনবিল হোৱা বুলি জনবিশ্বাস ।
এই বিলৰ পাৰত মেলাখন অনুষ্ঠিত হোৱাৰ বাবেই এই মেলাৰ নাম জোনবিল মেলা । মাঘ বিহুৰ প্ৰথম সপ্তাহত অনুষ্ঠিত হয় ঐতিহাসিক জোনবিল মেলা । এই মেলাৰ প্ৰধান তাৎপৰ্য হৈছে পাহাৰত বসবাস কৰা জনজাতীয় তিৱা লোকসকলে তাত উৎপাদিত আলু , কচু আদি সামগ্ৰী ভৈয়ামত বসবাস কৰা তিৱা তথা অন্যান্য জনগোষ্ঠীয় লোকসকলে তৈয়াৰ কৰা পিঠা, সান্দহ, মাছ আদিৰ সৈতে বিনিময় কৰে । অৰ্থাৎ এই দিনটোত কিছু ঘণ্টাৰ বাবে অচল হৈ পৰে মুদ্ৰা । য’ত চলে কেৱল বিনিময় । ভৈয়ামৰ পৰা লৈ যোৱা পিঠা, সান্দহ, মাছ আদিৰে পাহাৰৰ লোকসকলে জোনবিলৰ পৰা গৈ পাহাৰত বিহু উদযাপন কৰে ।
সময়ৰ পাত লুটিয়াই পুনৰ উজলি উঠিল জাগীৰোডৰ ঐতিহাসিক জোনবিলৰ পাৰ । বৃহস্পতিবাৰৰ পৰা আৰম্ভ হ’ল ঐতিহাসিক গোভা দেওৰজাৰ জোনবিল মেলা । পাহাৰ ভৈয়ামৰ সম্প্ৰীতিৰ মিলন ভূমি জোনবিল লৈ আহিল পাহাৰৰ মামা-মামীসকল ।
১৬ জানুৱাৰীৰ পৰা আৰম্ভ হোৱা গোভা দেওৰজাৰ পৰম্পৰাগত জোনবিল মেলা ১৮ জানুৱাৰীত অন্ত পৰিব ৷ এইবেলি কাৰ্বিআংলং আৰু মেঘালয়ৰ প্ৰায় ৮০ খন গাঁৱৰ ৰাইজে মেলালৈ বিনিময়ৰ বাবে আহি ইতিমধ্যে উপস্থিত হৈছে জোনবিলৰ বাকৰিত ।
ইতিমধ্যে পাহাৰৰ পৰা নামি আহিছে মামা-মামীসকল । আগমন ঘটিছে ৰাজ্যৰ বিভিন্ন প্ৰান্তৰ লোক । জোনবিল মেলাৰ প্ৰথম দিনৰ কাৰ্যসূচীত উপস্থিত হয় মুখ্যমন্ত্ৰী ড৹ হিমন্ত বিশ্ব শৰ্মা । এই জোনবিল মেলাই তিৱা জাতিৰ সাতামপুৰুষীয়া সমন্বয় একটা আৰু আৰু এটা অতি অৰ্থ নৈতিক ব্যৱস্থা প্ৰতিনিধিত্ব কৰে । জোনবিল মেলা উন্নয়নৰ বাবে অসম চৰকাৰে বিভিন্ন ব্যৱস্থা গ্ৰহণ কৰিছে ।
मोरीगांव जिले में ऐतिहासिक जोनबिल मेला आज से शुरू हुआ, जहां अब भी Barter System चलती है। यह मेला हमारी समृद्ध परंपरा और सांस्कृतिक विरासत का जीवंत प्रतीक है।
— Himanta Biswa Sarma (@himantabiswa) January 16, 2025
आज मेले का उद्घाटन किया, पारंपरिक राजाओं से मुलाकात की और सरकारी सहायता प्रदान की। pic.twitter.com/9kpAcPy8lF
মৰিগাঁৱত অনুষ্ঠিত হোৱা কেবিনেটে জোনবিল মেলা প্ৰসাৰৰ বাবে ৫ কোটি টকা অনুমোদন কৰে । ২২ গৰাকীকৈ তিৱা ৰজাক ৰাজভট্টা প্ৰদান কৰে মুখ্যমন্ত্ৰীগৰাকীয়ে । পাহাৰৰ মেতমৰা সম্ভাৰ লৈ মামা-মামীসকলে আজি ভৈয়ামৰ লোকৰ পিঠা-পনাৰ সৈতে কৰিব বিনিময় । ইতিমধ্যে পাহাৰৰ পৰা নামি অহা লোকসকল জোনবিলৰ বাকৰিত উপস্থিত হৈ উৎফুল্লিত হৈ পৰিছে ।
Thank you Morigaon for the warm welcome 🙏🏼 pic.twitter.com/yoMpNnWPWZ
— Himanta Biswa Sarma (@himantabiswa) January 16, 2025
