নগাঁও, 12 অক্টোবৰ : বৃহৎ নদীবান্ধৰ বিৰুদ্ধে ভয়াৱহ আন্দোলনৰ হুংকাৰ দিছে অসম জাতীয়তাবাদী যুৱ ছাত্ৰ পৰিষদে ৷ ডিমা হাছাওৰ কপিলী জলবিদ্যুৎ প্ৰকল্পৰ পাইপ ফাঁটি জলবিস্ফোৰণ হোৱাৰ পিচতেই নদীবান্ধৰ বিৰুদ্ধে অধিক সৰৱ হৈ পৰিছে সংগঠনটোৰ সদস্যসকল ৷ নামনি-সোৱণশিৰী জলবিদ্যুৎ প্ৰকল্পৰ নিৰ্মাণৰ বিৰুদ্ধে ৰাজ্যজুৰি প্ৰতিবাদ অব্যাহত থকাৰ পাচতো চৰকাৰে নিৰৱে নিৰ্মাণ কাৰ্য চলাই থকাৰ অভিযোগ উত্থাপন কৰিছে সংগঠনটোৰ নগাঁও জিলা সমিতিয়ে ।
অসম জাতীয়তাবাদী যুৱ ছাত্ৰ পৰিষদৰ হুংকাৰ
বিজেপিয়ে পূৰ্বে নদীবান্ধৰ বিৰোধিতা কৰাৰ প্ৰতিশ্ৰুতি দিছিল যদিও নিৰ্বাচনী বৈতৰণী পাৰ হোৱাৰ পাচতে অসমবাসীৰ স্বাৰ্থক গুৰুত্ব নিদিয়া বুলি মন্তব্য কৰে সংগঠনটোৱে ৷ অসমবাসীৰ সুৰক্ষাৰ বাবেই নদীবান্ধৰ কাম বন্ধ নকৰিলে ভয়াবহ আন্দোলনৰো হুংকাৰ দিয়ে সংগঠনটোৱে ৷
